رد: ارجوكم ساعدونى والله بنام مهموم من الرجة اللى فى الماتور
 

استاذ احمد هل هو دا الحساس بتاع البوابة اللى حضرتك بتتكلم علية اللى علية الدايرة الحمرة
http://i056.radikal.ru/1108/b4/14e3539aa6ac.jpg

رد: ارجوكم ساعدونى والله بنام مهموم من الرجة اللى فى الماتور
 

الصراحة مش قادر أميز لاني داخل من الموبايل
بس تقريبا هو
بس متتلخبطش ما بينه و ما بين ال tps
في ميزة في الهيونداي عن العربية الي في الرابط
ان توكيلها قوي و قطع غيارها متوفرة
المشكلة ان الموضوع مبيظهرش غير الصبح فسواء رحت للميكانيكي او التوكيل فالموضوع حيبقي try and error

رد: ارجوكم ساعدونى والله بنام مهموم من الرجة اللى فى الماتور
 

علي فكرة بالصدفة قريت توصيف ليك مختلف في الموضوع بتاع السبكترا
فهل فعلا لما تزود بنزين الرجة بتزيد ؟
لو كده يبقي مش صمام ايدل

رد: ارجوكم ساعدونى والله بنام مهموم من الرجة اللى فى الماتور
 

شوف يا غالى .. لازم تتأكد ان الموتور مش متلت .. وعلشان تتاكد من كده دور العربية وافصل سلوك البوجيهات بالترتيب .. المفروض ان كل ما تفصل سلك العربية تبرجل تقوم مركبه تانى ويبقى كده سليم .. لو فصلت سلك من الاربعة ومحصلش فرق فى الموتور يبقى هو اصلا مش شغال وهو اللى عامل الرجه دى .. وبكده المشكلة هتنحصر فى 3 حاجات ..

البوجيه - السلك - الرشاش ....

اما لو الموتور مش متلت يبقى احتمال يكون عندك حساس الايدل مش مظبوط .. علشان كده عاوز اعرف حاجة ..

لو عربيتك gls الـ rpm بيبقى كام اول ما تدور الصبح ؟؟؟ ولما العربية تسخن بيوصل لكام ؟؟

المفروض والعربية بارده يكون فوق الواحد بشوية ولما تسخن يكون تحت الواحد بشويه (750 - 850 rpm) ...

رد: ارجوكم ساعدونى والله بنام مهموم من الرجة اللى فى الماتور
 

100 100 يا باشا قلت اللي أنا عاوزه وزيادة كمان حبتين
هو كده كده البوجيهات عاوزة تتغير عشان سنة و8 شهور كتير عليها