مصر موتورز مجتمع السيارات - هل دواسات اللوجان طرية ؟ ولا ناشفة على القدم ؟

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - هل دواسات اللوجان طرية ؟ ولا ناشفة على القدم ؟ (https://www.masrmotors.com/vb/showthread.php?t=64264)

رد: هل دواسات اللوجان طرية ؟ ولا ناشفة على القدم ؟

اقتباس:

المشاركة الأصلية كتبت بواسطة حسام البورسعيدى (المشاركة 485885)

متقلقش يا غالى .. دواسات اللوجان ناعمة ومفيش منها مشاكل ..

لكن علشان اكون دقيق معاك برضو .. دبرياج اللوجان ميكانيكى مش هيدروليكى (على واير يعنى مش على زيت) وده بيخليه تقيل حبه (لكن بالمقارنة بالادا .. اكيد مفيش اصلا وجه مقارنة) ...

اما بقى دواسة الفرامل اكتر من ممتازة .. واستجابتها رائعة وبتديلك ثقة جامده وانت ماشى بالعربية ...

دواسة البنزين حلوة بس بتحس فيها زنة الموتور وممكن تضايقك حبه فى الاول .. بس مع التعود مفيش مشكلة (وبما انك هتنزل من لادا ممكن اوى متحسش اصلا بالحكاية دى) ...

برضو بالمره فى حاجة عاوز انبهك ليها .. وهى الباور بتاع اللوجان .. هو باور تقيل حبتين .. وممكن اقول عليه اتقل باور ستيرنج اتعاملت معاه .. بس شغال مش وحش اوى .. وفى السرعات العالية بيبقى اكتر من ممتاز ...

توكل على الله وباذن الله مش هتندم ...

على فكرة مفيش حرف غلط نفس الكلام مع ناس كتيير فعلا

رد: هل دواسات اللوجان طرية ؟ ولا ناشفة على القدم ؟

اقتباس:

المشاركة الأصلية كتبت بواسطة حسام البورسعيدى (المشاركة 485885)

متقلقش يا غالى .. دواسات اللوجان ناعمة ومفيش منها مشاكل ..

توكل على الله وباذن الله مش هتندم ...

شكراً على النصيحة يا حسام بيه يا راعى اللوجان فى بورسعيد والشرق الأوسط :vctry:

هاعمل بنصيحتك إن شاء الله وهاجيبها بإذن الله

طمنتنى الله يطمنك

رد: هل دواسات اللوجان طرية ؟ ولا ناشفة على القدم ؟

اقتباس:

المشاركة الأصلية كتبت بواسطة mr_astra (المشاركة 485890)

اخى الكريم فى حل لتقليل الاحساس بنشوفية البدالات فى لادا
وخصوصا الدبرياج
لو نزلت عزبة شلبى هاتجيب مجموعة البدلات ( فرامل + دبرياج ) بالقطمة الحديد اللى بتمسكهم بـ 50 جنية وتزيت المسمار الطويل اللى ماسك محاور الحركة وتعتمد على الله وتركبهم وتاخد هوا للماستر الرئيسي والفرعى للدبرياج هتلاقى الدبرياج سهل جدااااااا ودة وعد منى فى حالة ان الدسك عندك سليم

شكراً على النصيحة الغالية .. بس أنا جبت أخرى مع اللادا .. دا بشهادة الدكتور حتى .. بقول للدكتور بعد ما جالى التهاب فى عصب القدم اليمنى (طب والسواقة يا دكتور .. قالى سوق .. بس ماتسوقشى لادا يعنى .. كنت هاعيط .. قولت له أنا عندى لادا يا دكتور .. الراجل أتكتم ومعرفش يرد عليا )

أنا كان نفسى فى اوتوماتيك ناعم .. بس مافيش فلوس ليه دلوقتى .. ربنا يسهل .. أبتدى باللوجان اللى ابتديت أحبها وبعدين ربنا يكرم بحاجة اوتوماتيك

رد: هل دواسات اللوجان طرية ؟ ولا ناشفة على القدم ؟

اقتباس:

المشاركة الأصلية كتبت بواسطة Neo206 (المشاركة 485898)

و الله كلام حلو عن اللوجان
بس برده الكلام لو صح عن الادا ممكن يتجرب بدل ما تبيع و تخسر فيها
بس برده دة يرجع لتفضيلك انت

أنا استفدت منها لمدة 4 سنين .. عملت معايا واجب وظبتتنى .. علشان أنا جايبها روسى وزيرو .. فا كل اللى يركبها يقولى ماهى عربية أهيه .. أمال إيه اللى كنا نسمعه عنها ..

بس أنا بقى عندى مشكلة معاها .. أنا بقيت خولاقى فى السواقة وبحب التسارع وخصوصاً فى الزحمة .. ودا مخلينى مشدود الأعصاب طول الوقت وبسوق سواقة الميكروباصات الراما .. فا دا خرب رجليا ومابقيتش قادر استحمل الدواسات .. حتى لو بقت مهلبية ..

شكراً على ردك

رد: هل دواسات اللوجان طرية ؟ ولا ناشفة على القدم ؟

مش حقدر ازود علي كلام المعلم حسام - بس لو سمحتولي اؤكد ان فعلا بدال الدبرياش اخف واحلي من عربيات كتير اغلي من اللوجان مرتين - يعني اقدر اقول انة اخف من عربيات الماني كتير عن تجربة