مصر موتورز مجتمع السيارات - تأكيدا على اسعار الجاك بى كلاس

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - تأكيدا على اسعار الجاك بى كلاس (https://www.masrmotors.com/vb/showthread.php?t=64225)

رد: تأكيدا على اسعار الجاك بى كلاس

اقتباس:

المشاركة الأصلية كتبت بواسطة كيا سيفيا (المشاركة 485637)

خليــــــــــــــــــــــ ـــها تصدى وموديلها يعـــــــــــــــــــــــ ـــــــدى
خليــــــــــــــــــــــ ـــها تصدى وموديلها يعـــــــــــــــــــــــ ـــــــدى
خليــــــــــــــــــــــ ـــها تصدى وموديلها يعـــــــــــــــــــــــ ـــــــدى

تأكيدا انا مع حضرتك فى الحملة

اقتباس:

المشاركة الأصلية كتبت بواسطة mms (المشاركة 485757)

نرحب بانخفاض السعر . لكنه يظل حتى الان شديد الارتفاع ارى ان السعر المناسب للفول ابشن يكون 75000 جنيه . وعموما فان انخفاض السعر له دلاله بلا شك على حاله عدم الاقبال على السياره. لاسيما مع منافسين فى نفس الجوده وبسعر اقل .ومع ذلك ااكد السياره جيده والمشكله فى الوكيل .فهو شديد التقصير فى الجانب الدعائى للسياره. ويصر على الا يتعلم من الاخرين. وفى هذا المجال تحيه عظيمه لوكيل اسبرانزا . فبعد نكبه الدفعه الاولى من سياره الام 12 وكنت اظن انها سقطت وانتهت للابد . اذا به يقوم بمجهود خرافى على مستوى معالجه العيوب وخفض الاسعار والدعايه الجباره_وهذا شيئ لا يعرفه وكيل جاك _ وفى النهايه السياره الان تتجه نحو القمه .وعلى الجانب الاخر البى كلاس هى الاجود ولكنها للاسف منسيه والوكيل لا يتذكر شيئ الارفع السعر .

بشارك حضرتك الرأى بأن الجاك بى كلاس لو كانت فى فئة ال75 أو ال70 ألف زى أول ما نزلت كانت فرقت جدا جدا وبرده بشارك حضرتك الاعجاب بوكيل اسبرانزا وبحملة الدعاية الجبارة اللى عملها

اقتباس:

المشاركة الأصلية كتبت بواسطة د.كمال (المشاركة 485792)

سعر الجاك 84 الف
والجيلى mk هى إللى ب81 وهذا من التوكيل

دكتور انا مجبتش السعر من الوكيل انا جبت السعر من من موزع لو حضرتك دخلت على اللينك اللى انا كاتبه هتاخد بالك يا دكتور

اقتباس:

المشاركة الأصلية كتبت بواسطة mms (المشاركة 486196)

مهى المصيبه ان الموزعين بيبيعوا ارخص من التوكيل والمصيبه الاكبر ان انت وشطارتك فى السعر والكارثه اللى ملهاش حل انه يبيع ال mk ب 81000 فى حين ان الانجلون ب80000 ؛ وكيل عجيب فعلا دايما يفاجئنا بكل طريف وغريب .

بالنسبة لى مفاجأة شديدة جدا فعلا ان الجيلى :dzy:أغلى من الانجلون الجميلة

رد: تأكيدا على اسعار الجاك بى كلاس

مشكله وكيل جاك انه وكيل يعمل بعقليه الموزع لا يهمه اسم الماركه التى يحمل وكالتها .المهم فقط هو المكسب . ولو انهارت تلك الماركه فى السوق فهذا لا يعنيه فى شيئ ،لانه لديه العديد من الماركات الاخرى التى تملا فروعه كموزع . مثل : اسكودا وجيلى . ولذلك فهو مطمئن ان العمل لن يتوقف لديه . ولذلك فهو اقل الوكلاء انفاقا على الدعايه على الاطلاق . كما انه الاكثر تسارعا فى رفع الاثمان . واعنى بذلك انه لم يتجرا وكيل على رفع ثمن سياره فى قتره زمنيه قصير جدا كما فعل هذا الوكيل مع سيارات جاك .

رد: تأكيدا على اسعار الجاك بى كلاس

إمبارح أنا كنت فى المهندسين و قلت أعدى على التوكيل أشوف الاسعار و الجديد
الجاك بى كلاس ب 84000 الف جنية
الجاك إية كلاس اتوماتيك 1300 سى سى ب 73500 جنية
الجاك إية كلاس مانيوال 1300 سى سى ب 68900 جنية
الجاك إية كلاس مانيول هاتشباك 1300 سى سى ب 68900 جنية
جاك AO حاجة جديدة صغيرة زى البى وادى دى الFO
1000 سى سى ب 56000 الف
بصراحة انا كنت رايح علشان بدور على عربية للعائلة و كنت رحت الشهر الماضى للتوكيل و شوفت إية كلاس اتوماتيك و كانت ب68900 فى هذا الوقت .
و كنت منتظر مبلغ جالى علشان أجبها كاش بدل التقسيط بس المرة دى بصراحة لاقيت الموضوع وسع وفتح جامد
الدولار زى ماهو مفيش الزيادة اللى تخلى العربية زيد بالشكل الكبير دى فى أقل من شهر
العربية معلهاش ضغط كبير فى البيع علشان الوكيل يرفع السعر كدة
مصنع الصين لا أعتقد إنة هيزود السعر فى الفترة دى خصوصا إن سعر العربية فى الصين مابيزيدش دة بيقل
الاحتمال إن المصنع يكون عامل حجم مبيعات معينة للوكيل بسعر معين و إن الوكيل لم يوفى المبيعات فسعر زاد علية
حاجة تانية إن العربيات الكورى من نفس الفئة أسعارها سحبت على 90000 جنية و أصبحت مساحة السعر من 65000 الى 85000 الف هى مساحة الزيادة للسيارات الصينى خصوصا إن الهيوانداى أى 10 و الكيا البيكانتو بسعر 68000 الى 80000
فالوكيل حسبها و قال يعنى العربيات الصغيرة أوى دى بتتباع بالسعر دة و انا عربياتى فئة أكبر لازم السعر يزيد .
بصراحة زيادة السعر دة دخلت العربية فى منافسة قوية مع موديلات زى الانوس و الفيرنا والوجان والام 11 و 516 و غيرها من العربيات اللى فى نفس المساحة السعرية دى .

رد: تأكيدا على اسعار الجاك بى كلاس

انا مش عارف اية الاسعار الغريبة دى
اسعار سيئة جدا
حتى الالنترا والسيراتوا غليو
تصوروا الالنترا القديمةا لمانيوال من 94 ل 101 لية!!!! اذا كان فى موديل جديد نزل
والاوتوماتيك 109 لية بردو
انا قرفت من سوق العربيات فمصر
وخصوصا وكيل جاك حاجة تحزن بجد