رد: حد جرب منظف الرشاشات قبل كده ياجماعه
 

رد: حد جرب منظف الرشاشات قبل كده ياجماعه
 

بص يا أستاذ أحمد.

منظفات الرشاشات نوعين.

نوع غالي في حدود 150 جنيه. بس ده مبيتحطش علي البنزين.
الرشاشات بتتفك وتتحط علي مكنه تنظيف رشاشات بتضخ منظف الرشاشات جوه الرشاش وبتخليه جوز اللوز. بيرجع زي ما كان طالع من التوكيل.
العمليه دي بالإضافه لتغيير البوجيهات والفلاتر والزيت إسمها تصفية محرك engine tune up
بالنسبه للحل الإقتصادي. المنظف مع البنزين.
ده شغل تلصيم لو عندك مشكله في الأداء ويصلح فقط كإجراء وقائي.
وسبب إضافته علي تنك فاضي هو مراعاة نسبة الخلط. بيكون مكتوب علي العبوه إنها بتتضاف علي 50 لتر بنزين مثلا. فا حضرتك بتستني علي التنك يفضي. وتروح البنزينه تحط 50 لتر ومعاهم إزازة المنظف المتينه. وبعديها يبقي قدامك سكة سفر. لإنه بيفضل تمشي علي سرعه عاليه لمده طويله علشان تلاقي نتيجه. من الاخر إعملها وانت طالع تصيف بالعربيه مثلا.

طبعا أنا مجرب كل الطرق دي والي إدتهولك ده هو الخلاصه. بس خد بالك علشان في أنواع مضروبه من المنظفات بتاعة البنزين. أحسن حاجه تشتريه من التوكيل.

بس إبعد عن توكيل الإسبرانزا لإنه أكيد هيكون صيني :286:

رد: حد جرب منظف الرشاشات قبل كده ياجماعه
 

رد: حد جرب منظف الرشاشات قبل كده ياجماعه
 

دى طبعا معلومة اكيد والهدف منها اية ؟؟

الى احنا بنعملة دة اسمة تنظيف الرشاشات عن طريق المادة الى احنا بنحطها دى ... ومحتاجين المادة دى تمر فيها وللعلم المادة دى مش بتختلط بالبنزين

وبكدة دورة الرشاشات الاولى هتكون من خلال المنظف السائل مش من خلال البنزين