رد: مشكله لما العربيه تسخن
 

احتمال في نظام حماية للفتيس علشان ميتحرقش بسبب السخونة الزائدة فلما بتبطلي بيحصل ريست و لما تدور تاني نظام الحماية يستوعب المشكلة تاني و يفصل الفتيس فبياخدله 5 د
فزي ما حضرتك وضحتي ان مشكلة ارتفاع الحرارة هي الاساسية فلازم تتحل
و الله اعلم فرق السم فعلا ممكن يقلل كفائة التبريد
يفضل ظبط وضع المروحة
مية الحنفية بتبرد احسن من الملونة بس بتكون صدأ

رد: مشكله لما العربيه تسخن
 

لأ للاسف الميه العادية متعملش المشكلة دى ..

وطالما حرارة العربية فى مستواها الطبيعى عند النص او اقل (تفرق من عربية للتانية) او عند 90 لو فى ارقام ع الامبير تبقى تمام ..

بعيد عن مشكلة الفتيس .. لو الميه مش بتنقص والريداتير تمام يا ريت تستعملى مياه خضراء افضل .. بس لو فى صدأ لازم يتنضف الاول بمزيل صدأ (بتاع الريداتير يقوم بالمهمة دى) ...
-----------------------------------------

عاجبنى جدا ان حضرتك فاهمة فى العربية .. وده باذن الله هيسهل عليكى وعلينا حاجات كتير ...

مصفاه الزيت دى هى المقصوده .. وبيتقال عليها فلتر زيت ..

هو كان يستحسن تجيبى واحده جديدة .. بس طالما نضفها كويس مفيش مشكلة ..

بما ان الزيت تمام ومش ناقص يبقى المشكلة مش فيه ..

-----------------------------------------

تمام ..

للاسف الشديد كده الفتيس ده فيه مشكلة ..

المشكلة غالبا فى المنظومة الهيدروليكيه للتعشيق فى الفتيس (القربة او الطرمبه ومجموعة الكلاتشات) ...

فنصيحتى لحضرتك تغيير الفتيس بفتيس استيراد لو سعره معقول (يعنى ميزدش عن 1500او 2000 جنية بالكتير) ..

وده لأن تصليحه مكلف ومش مضمون انه يرجع زى الاول بعد ما يتصرف عليه للأسف ..

على فكره انا تقريبا عندى نفس المشكلة وكنت ذكرتها فى الموضوع ده

http://www.masrmotors.com/vb/showthread.php?t=57925

ودوخت بيها عند كذا ورشة بيشتغلوا فى الاتوماتيك .. وكله نصحنى بتغيير الفتيس لأن تصليحه هيتكلف على الاقل خالص 500 جنية .. والفتيس الاستيراد بتاعى ب 800 جنية فمفيش داعى ..

وانا باذن الله هنزل اجيب الفتيس واتوكل على الله النهارده .. وهحاول اسأل على سعر الفتيس بتاع حضرتك وربنا يسهل .. بس يا ترى الموتور بتاع حضرتك هو موتورها الاصلى ولا موتور معدل بتاع عربية تانية ؟؟
والموتور كام cc ؟؟



-----------------------------------------

فعلا الموضوع مرتبط بالسخونة .. نفس مشكلتى برضو .. وللاسف بعد ابحاث وتدوير ولف عند اكتر من 5 ورش مقدرتش اوصل للسبب برضو ..

ولكن اللى توصلت ليه ان مهما كان العطل بداخل الفتيس .. يستحسن بشكل كبير تغييره لان صعب جدا نلاقى حد يفور الفتيس ويصلحه ويرجعه لاصله بدون عيوب ...

رد: مشكله لما العربيه تسخن
 

استاذ حسام انا متشكره جدا وتعبت حضرتك معايا جدا

الموتور عندى 1600cc موديله M10

الفتيس الى عندى زى الى فى الصوره دى:
http://bmwfans.info/parts/catalog/E2..._transmission/

مواصفات العربية بالكامل:
http://bmwfans.info/parts/catalog/E2.../april/browse/

امبارح العربيه عملت حاجه جديده
اول ما اشغلها تبقى على التانى على طول
من غير ما تاخد الاول
وطبعاً الطلعه بتبقى تقيله جدا
والمارشيدير مش شغال
لما باخد مارشيدير كانى على N
الكلام دا والعربيه بارده او سخنة

رد: مشكله لما العربيه تسخن
 

يا فندم تعبك راحه ..

لو حضرتك شفتى موضوعى هتلاقى انى عندى مشكلة تشبه كتير مشكلة حضرتك .. واعتقد السبب فى الاتنين واحد ..

للاسف الشديد كده حضرتك هتحتاجى تغيرى فتيس زى ما قلت لحضرتك قبل كده ...

رد: مشكله لما العربيه تسخن
 

كأجراء وقائي يتراجع علي نضافة و صحة تثبيت كل فيش الفتيس بالاضافة لكل فيوزات المنظومة و قاعدة الفيوزات
برضه من الناحية الميكانيكية التأكد ان عصاية الفتيس بوصلاتها مش مبوشة
و حكاية مصفاة الزيت هي طول عمرها كانت بتتغسل و لا في منها جديد؟