مصر موتورز مجتمع السيارات - بقع اسمنت وقعت على دهان العربية.....

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - بقع اسمنت وقعت على دهان العربية..... (https://www.masrmotors.com/vb/showthread.php?t=62918)

رد: بقع اسمنت وقعت على دهان العربية.....

كلام ابو نورا صحيح بس فى بعض التعديلات
حضرتك هتغسل العربيه كويس والاماكن الى فيها أسمنت قبل الغسيل كل شويه تبوشها بالمياه لحد ما تبوش خالص
وبعد كده هتروح لبتاع دوكو يلمع العربيه كلها بالكمبون والبولش بس بيستخدم صاروخ زى بتاع الحداد بس ضعيف عنه وراكب عليه فرشه قطن بيطلع نتايج أحسن من التلميع اليدوى لأن حضرتك والبواب هتهتم بأماكن وأماكن لأ وكده مينفعش العربيه هتلطش مش هتبقا ميه واحده
وان شاء الله ترجع أحسن مكن الاول
تقبل تحياتى وطمنا عليك :fun_36_3_13[1]:

رد: بقع اسمنت وقعت على دهان العربية.....

اقتباس:

المشاركة الأصلية كتبت بواسطة AboNoRa (المشاركة 474615)

اللى انا فهمتة من حضرتك ان كتل الاسمنت اللى لزقت فى الدهان لسه فيه منها بقايا ده غير اثر الخدوش الناتج عن ازالتها

اولاً بالنسبة لازالة بقايا كتل الاسمنت فحضرتك هتحاول معاها بالغسيل بمنظف الاول وتسيبة فترة على العربيه يبوش اى حاجة ملتسقة بالدهان وتشطف وتكررها حسب الحاجة

وده اللى كان المفروض تعملة من الاول بس قدر الله وماشاء فعل

وبعدين حضرتك تجيب علبة كومباوند بتلاتة اربعة جنية وتخلى البواب بالعلبة ديه وكيس قطن يدعك مطرح الخدوش بمعجون الكومبوند بعدين يمسحة

بناء على النتيجة اللى هتوصل ليها بعد ازالة كل اثار الاسمنت والخدوش الخارجية هيبان محتاجين نعمل ايه

فممكن نستخدم قلم دوكو والعربيه تتشمع وتبقى تمام
وممكن تحتاج ترش تانى ما يسمى برش نظافة

لو حضرتك تقدر ترفعلنا صورة كمان يبقى افضل بكتير

متشكر لرد حضرتك و جاري التنفيذ ان شاء الله......
شكرا جزيلا

رد: بقع اسمنت وقعت على دهان العربية.....

اقتباس:

المشاركة الأصلية كتبت بواسطة ابوشروق (المشاركة 474619)

واضح من الردود ان ده اللي مفروض يتعمل وان شاء الله هعمله...
شكرا لاهتمام حضرتك بالرد

رد: بقع اسمنت وقعت على دهان العربية.....

متنساش تطمنا عليك اما تعملها :fun_36_3_11[1]:

رد: بقع اسمنت وقعت على دهان العربية.....

الحمد لله الموضوع اتحل جزئيا.......
رحت مغسله في بنزينه قالي مسدس الميه صعب يطلع كل البقع و بالتالي هيطلعوها بالكحت او المسح الشديد زي البواب مع عمل و بالتالي هيبهدلوا البويه اكتر وقالولي كده من الاول فشكرتهم و مشيت
رحت لواحد بتاع دوكو معرفه واحد صاحبي قالي هنسنفر بالسنفرة الناعمة مش فاكر رقمها بس اعتقد اول حاجه خالص و بعدين نلمع اعربيه كلها بالبولش.....توكلنا على الله
النتيجه الاسمنت طلع بس ساب مكانه خرابيش بسيطه برضو بس احسن من الاول كتير جدا جدا......ة باقي العربيه بقيت بتبرق عشان اتلمعت كلها بالمرة و خد 120 جنيه و اشتغل يدوي مش بالصاروخ(صنايعي تاني قالي 150 بس كان هيشتغل بالصاروخ و هيتأخر عبال ما يبدأ الشغل عشان مشغول فسبته).......
نصيحه اللي تقع على عربيته بقع اسمنت يشيلها علطول و هي لسه طريه هتتطلع بسهوله جدا من غير مجهود و ما يستناش زي ما عملت وكسلت عشان العواقب هتبقى سيئه ........
و شكرا على المساعده من رجاله مصر موتورز