مصر موتورز مجتمع السيارات - سؤال لايمكن تأجيله

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - سؤال لايمكن تأجيله (https://www.masrmotors.com/vb/showthread.php?t=62002)

رد: سؤال لايمكن تأجيله

اقتباس:

المشاركة الأصلية كتبت بواسطة طارق ابوذيد (المشاركة 467029)

الحقيقه كلام الميكانيكى صحيح ولكننا نفضل التلين على الواقف نظرا لعدم تحكم السائق فى السرعه اثناء السير بها وفى الحالتين السياره تعمل والمهم هو عدم ضغط البنزين بقوه زائده فاذا استطعت التحكم فى السرعه التى لا تتعدى 60 كيلو فلا هناك اى مشكله ومبروك التجديد والله يوفقك

الله يبارك فيك يا أستاذ طارق وحضرتك الوحيد الذى أيد الميكانيكى فى كلامه وانا بحترم جدا وجهة نظرك

رد: سؤال لايمكن تأجيله

انا مختلف مع الراى دة بصراحة وبقوة
اذا كان العربية بتلين وهى واقفة مؤشر الحرارة بيزيد جدا ولازم كل شوية تزود مية ةبتبطل ونستنى عليها شوية تبرد وندور تانى
الموتور فى الوقت دة بيكون عامل زى البيبى اللى لسة بيتعلم المشى
ما بالك بقى ان انت ماشى والموتور علية حمل اللى هو وزن السيارة ولازم عشان تنقل ال ار بى ام يعلى عشان تدى النقلة
وكمان ظروف الطريق بتجبرك انك لازم تدوس بنزين فى حتة معينة
واكيد الموتور هايسخن جدا لانة لسة بيلين وكمان علية حمل
دنا فى اول رد قلت مش لازم نركب الشكمان عشان الحمل العكسي اللى على الموتور نقوم نمشى بالعربية
لا حول ولا قوة الا بالله .......بجد صعب جدا الموضوع دة مش عارف صحتة جت منين
بجد ياما هانشوف

رد: سؤال لايمكن تأجيله

مفيش اى مشكلة متقلقش ..

هو المفروض ان تلين الاول كزياده تاكيد يعنى بس مفيس مشكلة انك تمشى بيها شوية ..

وكويس انك ممشيتش غير 10 كيلو بس .. دورها تحت بيتك مفيش مشكلة ...

ومش عاوزك تقلق خالص والوساوس تشتغل هههههههه حاكم انا مجرب الوساوس دى ..

بس متقلقش خالص ..

المهم انك تلين بالزيت يومين تلاته وبعدين تغيره وتغير الفلتر ولو الميكانيكى قالك متغيرش الزيت سيبك منه وغير الزيت .....

وع البركة يا باشا .. ربنا يباركلك فى العربية ....

رد: سؤال لايمكن تأجيله

اقتباس:

المشاركة الأصلية كتبت بواسطة mrastra (المشاركة 474982)

الاختلاف فى الرأى لا يفسد للود قضية بس الشئ الغريب هل الميكانيكى عاوز يخسر سمعته وكمان فلوسه لانى قلتله على مسئوليتك عدم التليين ووافق طبعا بكل ثقة وقلى مش كل عربية لازم تلين وبمجرد الانتهاء من العمرة بينظر الى حالة الموتور ودلائل معينة اذا كانت محتاجة تليين على الواقف ام لا ولكن انا طبعا موسوس وبعد ما مشيت 10 كيلو مسمعتش كلامه ولينتها على الواقف ب نصف صفيحة ولاحظت ان المياه مش بتنقص ولا حاجة والموتور فعلا بيسخن بس لا يعدى ال 90 وبعد كده مشيت بيها عادى بس لا اتجاوز سرعة ال 60 ومشيت حوالى حتى الان 100 كيلو وذهبت للميكانيكى لكى يحرق على وش السلندر كما اخبرنى وبعدين قالى عيش حياتك عادى واطلع كبارى وامشى على اى سرعة رغم اننى لم اكمل 1000 كيلو بعد التليين وقالى الاجانب بيعملوا كده هههههههههه

رد: سؤال لايمكن تأجيله

اقتباس:

المشاركة الأصلية كتبت بواسطة حسام البورسعيدى (المشاركة 475065)

والله يا استاذ حسام انا فعلا كنت قلق جدا علشان خايف على النص عمرة دى واول مرة اعملها فى حياتى واللى مخلينى كنت قلق انى عارف جيدا قواعد التليين بعد العمرة وكنت بجادل الميكانيكى فى كلامه علشان كده سألت فى المنتدى يمكن هو صح وبالنسبة للزيت انا غيرته بمجرد عملت النص عمرة دى ومستنى امشى مثلا 500 كيلو كمان علشان اغيره تانى وفلتر الزيت واشكركم جدا لنصايحكم وللافادة