مصر موتورز مجتمع السيارات - تحذير تحذير لكل الاعضاء

اقتباس:

المشاركة الأصلية كتبت بواسطة احمد بدر1978 (المشاركة 464071)

ربنا يعوض عليك بس الحمد لله قضى اخف من قضى

الحمد لله انها جت فى زجاج وربنا قدر مش مشكله بس ده على شان الناس تاخد بلها برده

اقتباس:

المشاركة الأصلية كتبت بواسطة AboNoRa (المشاركة 464070)

ربنا يعوض عليك فى القزاز وفداك معلش قدر الله وماشاء فعل وكويس انها جت على قد كده

وياريت على طول تغطى العربيه علشان اغلب الحرامية بتقلق من العربيات المتغطية مش عارف ليه خاصة لو فى منطقة فيها ناس زى ما بتقول

او تجيب انذار 2 way بدام بتركنها تحت البيت فتاخد خبر لو الانذار اشتغل او حصل فيها حاجة

يا ريت برده نعرف الانذار الى بتتكلم عليه يا ابو نورا بكام ومين وايه مواصفاته برده
والحمد لله ربنا كبير والحمد لله جت على زجاج مش عربيه الحمد لله

اقتباس:

المشاركة الأصلية كتبت بواسطة hyundai2005 (المشاركة 464015)

تسلم يا حبيبي وربنا يعوض عليك فالازاز وعلي فكره عربيتي برضه نفس القصه عندك لو حتي حد معاه مفتاح العربيه وفتح الباب وحاول يدور عمرها ماتدور ابدا حتي لو قطع سلوك الطبله وحاول استحاله تدور غير لما الكومبيوتر ياخد امر من شبايه الريموت الاصلي ومن نقطه معينه كمان شوفت الاوبشن مش تقوللي سيراتو وكروز والنترا ربنا يسترها عالجميع يارب امين

والله دى احسن حاجه فى العربيات انا كنت بفتكر انها موجوده فى البى ام فقط طيب الحمد لله اكيد موجوده فى عربيات كتير ياريت الناس برده تعرفها فعلا الشبايه دى تغنيك عن حاجات كتير جدا ونفس الكلام برده لو عمل ايه لازم يشيل الكنترول او يبرمج العربيه على شبايه تانيه ده ومش هيقدر وفعلا دى امن حاجه فى السيارات الحمد لله بس برده خلى بالك يا هيونداى

اقتباس:

المشاركة الأصلية كتبت بواسطة طارق ابوذيد (المشاركة 464042)

يا اخوانى فى الله

حرامى السيارات ممكن يتركها ولا يأخذ السياره ولكن يفك كل شئ من الداخل ومن الخارج اذا استطاع وربنا يسترها معانا .

الحمد لله يا شيخ ملحقش يعمل حاجه ومختش حاجه الحمد لله والامن زى قلته ولا بيعمل حاجه واقف طول النهار والليل تجى تساله يقولك معرفش ماشوفت طيب كنت فين مش فاكر كنت سعتها عايز اكله قلم افوقه من الغيبوبه دى الحمد لله مقدر وربنا كتبه عليه الحمد لله

بالله عليكم خلو بالكو وربنا يسطر على الناس اليومين دول لان الواحد مش مستحمل والله يحصل حاجه مش وقتها خالص واعمل الى تقدر عليه على شان تطمن على عربيتك