رد: الفيرنا مكتومة
 

والله انا متابع باهتمام لانى عندى فيرنا وعايز استفاد والحمد لله الواحد عندة خبرة كافية بس احب اعرف اكتر
وللعلم كل اللى عندك هو عيب رشاشات وبكرة تقولى انت صح المهم
فك وش الكفر اللى فوق وش السلندر اللى هيفتحلك البوجيهات فك بوجية بوجية وشوف لونهم زى بعض من تحت ولا لاة
واهم حاجة شوفة اى بوجية جاب اصفر من اى حتة فية وقولى اية اللى عندك
لو لونهم اسود ومفحم او فيهم اصفرار نتيجة الحريق يبقى عيب رشاشات لانك لسة مغير البوجيهات مع انى افضل بوجيهات العربية تكون الاصلى بتاعها
المهم حتى لو طلع رشاشات يتنظفوا بالجهاز التراسونيك او تجيب غيرهم افضل نم التوكيل
لعلمك الخاص انا من السويس وانت عارف طبعا انها ام البترول لكن للاسف كلة البنزين ومشتقات البترول الجيدة ومصنوعة على جودة تامة بتتصدر وبناخد اللى يتبقى منهم وطبعا مليان رصاص المهم انا بحط 92 وبرضة الرشاشات اتسدت بس بسيط لانى مع العربية اول باول فعرفت اول ما حصل كانت زيادة فى البنزين وكدة فعرفت فما بالك بنزين 80 يعمل اية بقى فى الرشاشات فتوكل على الله وشوف الموضوع وانتظر اراء الاعضاء هم اكثر خبرة منى وقولنا عملت اية ضرورى اخوك محمد
بس بالله عليك ترد على السؤال دا وانت راجع بطهرك وبتركن وبتكسر الدركسيون مرة شمال ومرة يمين لحد ما تضبط معاك هل بيحصل انك بتسمع تكة بسيطة كدة مرة واحدة بس فى الركنة ولا مفيش اى صوت واللى قراء المشاركة وعارف دا اية يقولى اصلى عملت كل حاجة ومراحتش لدرجة انى قلت انها موجودة من زمان وانا اللى مش واخد بالى حد يساعدنى فى الموضوع دا بعد اذن صاحب الموضوع انى حطيت المشكلة فى موضوعة وشكرا

رد: الفيرنا مكتومة
 

على فكرة ده اكيد المنافولد عايز ينضف بس

رد: الفيرنا مكتومة
 

الف الف الف شكر يا جماعة
انا حاسس انى وسط اخواتى
حاسس ان كلة عايز يفيد من غير مقابل
والله انتم ناس عسل

على فكرة يااستااذ memo
انت بتحكى عن نفس الصوت اللى عندى

ان شاء الله لما اوصل للحل ان شاء الله هقولكم علية

رد: الفيرنا مكتومة
 

والله انتا اللى عسل يا عسل :Wkiss5:

وفى انتظار اخبار جديدة ..

رد: الفيرنا مكتومة
 

رحت النهاردة لميكانيكى تانى
قالى افتح الكبوت
المروحة التانية مش شغالة
روح للكهربائى شغلها وتعالى وقولة يقويها
قولتلوة المروحة ممكن اكون السبب
قالى مش كدة بس السخونية دى بتاثر بالسلب على الحساسات وتبوظها
روحت للكهربائى لقيت المروحة قفشة عايزه تتغير
جبت واحدة استيراد 200جنية مش غالية
المهم الراجل قعد يعمل فيها ساعتين ومش عارف
قالى تعالى للمعلم بكرة علشان مبوظش حاجة
ومستنى المعلم بكرة
واقولكم بكرة اية اللى هيحصل ان شاء الله
بس على فكرة عداد الحرارة كان فى النص ومية الردياتير مابتنقص بس فى مروحة فاصلة