رد: رسالة لتوكيل جاك فى مصر
 

والله يا د٠كمال بعد المواضيع اللى شفتها عن العربيه فى المنتدى هنا اقتنعت بيها جدا وان شاء الله قريب اجيبها واتكلم عنها بجد ٠٠ انا بس كان نفسى لما اقول لاى واحد صاحبى انا هجيب JAC B-15 يكون عارفها ومش اقعد اوصف له وكانى بتكلم عن مخلوق خرافى وللا ET وشكراااا

رد: رسالة لتوكيل جاك فى مصر
 

فعلا ياأستاذ خالد كلامك مظبوط .....واحنا كمان كان نفسنا العربيه تنتشر لكن ارتفاع سعر العربيه من 70 الف الى 84 الف أعتقد انه أخر إنتشارها هذا بخلاف احداث الثوره و الاقبال على السياره فى بلدها الصين والوكيل مشعارف يجيب كميات كبير منها الوقت الحالى ....لكن أعتقد انها بدأت تنتشر على استحياء بدليل لما بأروح أعمل صيانه بألاقى فى عربيات منها كتير بتعمل صيانه وبسأل اصحابها وكل كلامهم شكر وتقدير فى العربيه ومحدش اشتكى من اى عيوب ومنهم ناس ماشيه بيها 60 الف كيلو...........عموما ربنا يوفقك

رد: رسالة لتوكيل جاك فى مصر
 

اشكرك على الدفعه القوية دى وصدقنى انا مش عاوز غيرها دلوقت بالرغم من كلام كل اللى اعرفهم عن الصينى مع انى رديت بان الصين كيان مش سهل وبيعمل الحاجة بهامش ربح مش عالى للانتشار فقط واتوقع ان خلال الكام سنة الجايين هنفتكر كلمه صينى ونضحك ٠بس للاسف وحضرتك عارف نص شعب مصر بسم الله ما شاء الله خبراء فتايين و ناس كتيير بتقول رءايها بدون تجربه وبتحب نقض اى شئ جديد لمجرد انه جديد ٠٠ ربنا يهدى

رد: رسالة لتوكيل جاك فى مصر
 

نفس مشكلة البى واى دى التسويق الى سوق السيارة دى التاكسى مش التوكيل خالص
جاك الحقيقة انا اخاف اشتريها لانى مش عارف عنها حاجة ياريت لو فى تقرير مفصل عنها

رد: رسالة لتوكيل جاك فى مصر
 

التوكيل بيجيب 200 عربية كل 6 شهور و راضي و مبسوط بقليله - حيعمل دعاية ب 200 الف جنيه على 200 عربية !! هو اولى بيهم برضه مرتبات كام شهر للعمالة بتاعته