رد: الحمدلله على كل شيئ .... انا محتار اختار اى عربيه ياريت تساعدونى
 

بص من الاخر كدة لو انت متاكد ان العربيات ممتازة ومفهاش اى عيب يبقى اختار الى يريحك علشان كل العربيات الى انت مقترحها ممتازة خاصة bmw .........
بس انا من راى مفيش احسن من الزيرو يعنى تشترى العربية وانت حاطت فى بطنك بطيخة صيفى يعنى ولا تقولى عيوب ولا خبطة ولا اى حاجة يعنى Lancer من الاخر
بس انت برضو مقولتليش انت عايز العربية فى حدود كام عيب عليك يعنى دة انا رادد عليك اول واحد :014FDA~117:

رد: الحمدلله على كل شيئ .... انا محتار اختار اى عربيه ياريت تساعدونى
 

BMW 316 2006
هى عربية بسم الله عليها جميلة جدا وانا افضلها عن كل اللى موجود عليها ..............وان شاء الله ربنا يبارك ليك فيها ان شاء الله

رد: الحمدلله على كل شيئ .... انا محتار اختار اى عربيه ياريت تساعدونى
 

انا آسف ياباشا نسيت ارد عليك

الحمد لله معاك لغايه 170 وشكلها كده فعلا هترسى على البى ام


شكرا لكل الناس اللى ردوا ولو حد عنده اضافه ياريت يقولها :)

رد: الحمدلله على كل شيئ .... انا محتار اختار اى عربيه ياريت تساعدونى
 

انت بسم اللة ما شاء اللة معاك مبلغ كويس وانا عارف ان ال BMW عربية ممتازة بس للاسف انت هتجبها مستعملة ودة الى مش عجبنى فى الموضوع
بص انا مبداى برضو ان مفيش احسن من العربيات الزيرو علشان انا مجرب ...انا اشتريت كذا عربية مستعملة وغيرت كذا مرة واخيرا جبت زيرو بعد عناء مش عايز اقولك اد اية الشعور مختلف وبعدين اهم ميزة فى الزيرو......... انك بتشترى وانت مطمن ولا محتاج متخصص يكشفلك على العربية.......... ولا محتاج سمكرى يكشفلك على الخبطاط والشاسية........لذلك انا هعرض عليك بعض العربيات الزيور فى حدود المبلغ الى معاك و مش معقول يعنى بعد ما تجمع المبلغ دة كلة وتتعب فى تجميعة تشترى مستعمل..............عندك:
1- كروز اعلى فئة
2- رينو فلوانس اعلى فئة
3- دايهاتسو جراند تريوس
4- سكودا اوكتافيا فانتزيا ....... تيبترونيك
5-فورد فوكاس
6- سيتروين c4
7- اوبل استرا
8-رينو ميجان
9- بيجو 308 sw
10- مازدا 3
11- سيات ليون
12- سوبارو امبريزا
13-كيا سول
14- كيا سيراتو كوباية
15- سيتروين c3
16- دايوهاتسو تريوس 4ْX4
17-فيات برافو
18-سوزوكى جراند فيتارا
19- بريليانس جالينا
20- نيسان بلوبيرد
يعنى هو دة الى انا فكرة اعتقد انى لم اقصر معاك
وارجو ردك

رد: الحمدلله على كل شيئ .... انا محتار اختار اى عربيه ياريت تساعدونى
 

بصراحة كل الماركات اللى انت كاتبها عالية فاكيد اسعار قطع الغيار هتكون غالية واستهلاك البنزين بردو هيكون عالى بس بدال هتجيب هات زيرو بالمرة وياريت بى ام دابليو لا يعلى عليها والف مبروك مقدما SLAMSLAM