رد: تقرير كامل عن بورش كاين تيربو اس
 

شكرا ياباشا على الموضوع بس البورش اللى حضرتك بتتكلم عنها دى موديل 2004 أو 2005 بالكتير ... مفيش حاجة 2012 ؟؟؟

رد: تقرير كامل عن بورش كاين تيربو اس
 

صباح الفل يا باشا
شروكى ايه بس يا باشا اللى يسحب البساط ههههه
لو بتهزر ماشى
انما بتتكلم جد و قصدك على شيروكى SRT فهى قوية فعلا
و يوم ما تتغلب على الكايين فى حاجة هيبقى الدراج ريس بالكتير قوى --- يعنى الطلعة
بس تعالى بقى يا باشا عند اول ملف هتلاقيها طارت من فوق الطريق فى الوقت
اللى الكايين فيه خدت الملف ولا أجدع عربية سيدان
لأن ببساطة فيها أنظمة تتحدى قوانين الفيزياء بالنسبة للثبات و القوة
الكايين يا باشا أداء وحش لازق فى الأرض فى صورة جيب

رد: تقرير كامل عن بورش كاين تيربو اس
 

لا انا اقصد الشكل ده اللى بينزل فى السعودية بمكينة 8 سلندر
http://www.7irtny.com/vb/7irtny.com/...613717_884.jpg

وبعدين فى القومة انتا ببتكلم ازاى دا حتى البورش ثقيلة جدا واكيد الشروكى فى القومة هى اللى هتكسب لانها خفيفة جدا
وشوف كمنن التسارع بتاعه عامل كام ثانية
http://www.youtube.com/watch?v=8MjCc...eature=related
انا معاك برضوا ان كل عربيه 4x4 مش قويه وده الدليل
http://www.youtube.com/watch?v=oOjf2...eature=related
لان اختلاف طبيعه الارض بيفرق مع العربيه حتى لو كاننت جيب فرارى
وبعدين اخر تقرير بعتته شركة جنرال موتورز عن المكينة ال 6 سلندر اللى كان سرعتها بتوصل لـ 260 كيلو .... بتسارع ضعيف طبعا واحنا دلوقتى فى انتظار التقرير الثالث والاخير لمكينة ال 8 سلندر
وعلى العموم اختلاف الرأى لا يفسد للود قضيه .......... :crazyW14:

رد: تقرير كامل عن بورش كاين تيربو اس
 

صباحك فل يا باشا
ود ايه بس يا باشا اللى يفسد لا سمح الله .. احنا اخوات من غير اى حاجة و بالرغم من اى حاجة

بس فى الحقيقة يا باشا ده مش رأى شخصى ... دى حقائق معلنة و مجربة

يا باشا الشروكى اللى انت جايبها ال 8 سلندر جابت ال 100 فى 11 ثانية
اقل بورش كايين 8 سلندر اللى هى (كايين اس) بتجيب ال 100 فى 8 ثوانى و نص

اما المقارنات لما تيجى تتعمل بين الموديلات بتتعامل بين أقوى اصدار فى كل موديل
يعنى بين شروكى SRT8 اللى هى اقوى حاجة فى شروكى بمتور 6.2 لتر
و بين كايين تيربو إس و دى فوق ال 500 حصان و بسعة لترية 4.8 لتر

و حكاية العربية تقيلة او خفيفةدى يا باشا بتبقى تقيلة او خفيفة على الموتور يعنى انا معاك ان البورش اتقل وزنها فوق ال 2 طن بس كمان موتورها مفترى فا بيعوض التقل ده

و عموما يا باشا زى ما بقولك الشروكى SRT8 يوم ما تتفوق اخرها تتفوق فى التسارع و بفارق بسيط جدا اما عند اول منحنى سلملى عليها لأن العربية عمرها ما كانت تسارع فقط اما الكايين تيربو سرعتها القصوى 278 كيلو متر فى الساعة محددة الكترونيا تقدر تمشى بيها طول اليوم على 270 و انت مش حاسس بأى قلق
لأن فيها جير بوكس 8 نقلات فا مفيش تحميل على الموتور و فيها انظمة الكترونية للثبات تتحدى فعلا قوانين الفيزياء و ده اللى مخلى فرق السعر بينها و بين الشروكى خزعبلى ....

انصحك يا باشا تشوف فيديوهات كتيير للكايين على يوتيوب هتعرف انا اقصد ايه
و دور على نظام اسمه PDCC ده اخر نظام لدعم الثبات عملته بورش غير انظمة
تانية كتير جدا ....

و فى الاخر يا باشا احنا اخوات و كل واحد عنده معلومة بيحاول يفيد الناس بيها
و شكرا ليك مرة تانية

رد: تقرير كامل عن بورش كاين تيربو اس
 

^^^^^^^^^
ادهشننى بمعلوماتك بس انت مدعو لموضوع هعمله انا فى يوم انتا اهم واحد ترد عليه خلاص لانى دلوقتى مشغول ارد ..
اوك ياباشا .......... :)