مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - فك الحظر (https://www.masrmotors.com/vb/showthread.php?t=55151)

رد: فك الحظر

اقتباس:

المشاركة الأصلية كتبت بواسطة noura_taman (المشاركة 425320)

بص يا سيدي الفاضل انا خبرتي لسة طازة ومستنية جواب الحظر كمان وكانت مع أسوأ بنك في تاريخ الجمهورية باركليز اللي حصل بقة كالاتي/
1. دفعت كافة المستحقات المتبقية من القرض الخاص بالسيارة كاملا للبنك لكن الاول بكلم الكول سنتر عشان كل يوم الرقم المتبقي متغير فلازم يقوليلي انا باقي علي كام اقوم اروح ادفعه بالظبط.
2. بعد ما يتم الايداع لازم اعاود المكالمة للكول سنتر عشان اطلب الغاء القرض والا اذا لم تطلب اغلاقه كل يوم بيعد عليك فلوس وده اللي حصل معاي مع العلم انهم في البنك المحترم ما حدش قالي المعلومة دي نهائي ولما جيت بطالب بالشيكات بتاعتي بعد تمام السداد بفترة قالوليلي عليكي فلوس.....:shwt:
3. بعد ما تم عمل طلب اغلاق القرض بيدوني رقم ده اللي بتابع بيه بعد 5 أيام وانت بتعمل الطلب بتاع الغلق بتحددلهم الفرع اللي انت عايز تستلم منه اوراقك والمرور التابع له رخصة عربيتك عشان بيودوا عليه جواب فك الحظر ولازم تديهم كل بيانات العربية رقم اللوحة والنوع ورقم الشاسيه ورقم الموتور ولو ه ما طلبوش الداتا دي اديهالهم برضه لأنهم بعد ما يمر 5 ايام عمل انت بتكون متوقع فيهم انك هاتستلم ورقك هاتلاقيهم بيقولولك اصل كانت البيانات ناقصة طيب ما قولتوش ليه يا ولاد.......MADDRIVE
4. بكلمهم بعد خمس أيام عمل وبتابع الشيكات وصلت والمخالصة اه تمام بروح الفرع الذي تم تحديده مسبقا واستلم الاوراق الخاصة بي جميعا الشيكات والمخالصة التي تثبت اني ماليش اي حاجة ولا هم ليهم اي حاجة عندي واللي ممكن تتيح فرصة الحصول على قرض اخر والمخالصة دي بالمناسبة اختياري يعني ممكن ما تاخدهاش ولو عوزتها في بتاع 50 جنيه زيادة .
5. بعد حصولك على الاوراق دي بتاخد حاجة اسمها رقم الصادر وده الرقم اللي بيكون طلع بيه جواب الحظر من البنك للمرور الرقم ده مهم قوي برضه عشان تتابع بيه وبس انا لسة ما وصلتش للخطوة اللي ما بعد الحصول على رقم الصادر لأني لسة مستنية يوصل المرور لكن اخدت جواب المخالصة وماخدتش الشيكات لأن بعيد عن السامعين بجد البنك ده فوق مستوى الوصف من المعاملة الزبالة والرديئة جابوا جواب المخالصة ومش لاقيين الشيكات فحاجة تعبانة جدا وبس هي دي خبرتي مع الموضوع ده من 27/4/2011 لحد دلوقتي

خلى بالك من موضوع الشيكات الضايعة ده متسبهمش لحد لما تاخد الشيكات بتاعتك ولما تاخدها اتاكد ان هى الشيكات اللى انتا ماضى عليهم

رد: فك الحظر

اقتباس:

المشاركة الأصلية كتبت بواسطة khaabas (المشاركة 425497)

أشكرك شكرا جزيلا علي المعلومات القيمه المفيده واتمني من الله ان يوفقني في تلك الخطوات الطويله لعلها تنتهي علي خير وفي النهايه فضولتي تنتابني لااسألك طمان من المنزله ولا تشابه اسماء وأأسف علي ذلك السؤال وشكرا

هاااااااااااااااااااااااا اام جدااااااااااااااااااا

يا جماعه لو كنت عايز ابيع العربيه وهيا عليها حظر بيع ينفع ولا لأ انا شريها قسط ؟
وهتكون الطريقه ازاى عشان مش فاهم ؟؟؟

رد: هاااااااااااااااااااااااا اام جدااااااااااااااااااا

ممكن لوالمشتري هيركبها فترةالتقسيط مش ناوي يبيع تعمل عقد إبتدائي وتوكيل إدارة وإقراربإستلام السيارة وحالتها إذا كان في ثقه بينكم أومعرفه أوشهودعلى العقد.على فكره كان عندي نفس المشكلة بس بعت العربية تقسيط بعقدإبتدائي وإيصالات أمانه:286:

رد: هاااااااااااااااااااااااا اام جدااااااااااااااااااا

اقتباس:

المشاركة الأصلية كتبت بواسطة أبوإياد (المشاركة 475516)

ممكن لوالمشتري هيركبها فترةالتقسيط مش ناوي يبيع تعمل عقد إبتدائي وتوكيل إدارة وإقراربإستلام السيارة وحالتها إذا كان في ثقه بينكم أومعرفه أوشهودعلى العقد.على فكره كان عندي نفس المشكلة بس بعت العربية تقسيط بعقدإبتدائي وإيصالات أمانه:286:

طب ايه حضرتك كده بتخد منه المقددم ولا تمن العربيه كلها ولا بتخد لايه منه بظبط بخصوص الفلوس؟؟؟
وهوا الى هيدفع القسط ولا انتا بعد كده... اصل هوا كده كده القسط بيتخصم من المرتب اوتومتك منى؟؟؟
ممكن بعد اذنك توضيح اكتر للأهميه:)