مصر موتورز مجتمع السيارات - موضوع مهم بخصوص آداء العربيات مقابل الراحة على الطريق

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: موضوع مهم بخصوص آداء العربيات مقابل الراحة على الطريق

مشتكر لكل اللي شارك برد

اقتباس:

المشاركة الأصلية كتبت بواسطة corsair (المشاركة 420530)

مفيش قدامك غير تغير المساعدين علشان متحسش بنشوفية العفشه

انا والله نفسي اجنط علشان ازود ثبات العربية لاكن محكوم بردك بموضوع الراحه ونشوفية العفشه

اقتباس:

المشاركة الأصلية كتبت بواسطة powerofdream (المشاركة 420564)

شوف مساعدين افضل وغيرها

اعتقد صعب موضوع المساعدين ده + ان الفيرنا مساعدينها انعم من عربيات كتير و دا احد اسباب عدم ثباتها على السرعات

اقتباس:

المشاركة الأصلية كتبت بواسطة memodina1 (المشاركة 420787)

جبت 4 جنوط ماليزى واعدت اسبوع بيهم وبعتهم ورجعت الحديد وضوح فارق فى الراحة والنعومة انما انا اقدر احكم نفسى فى السرعة انما الراحة لاة

بتبان اوي في الملفات + سرعة
او موقف مفاجئ و حبيت تكسر
هو مش فرق وهمي بس العربية بالجنط ال15 احسن
انا لو العربية مش بسافر بيها كنت خليتها بال13 الحديد بصراحة كانت ناعمة جداً فعلاً

اقتباس:

المشاركة الأصلية كتبت بواسطة فادى (المشاركة 420821)

هناك دائما تناسب عكسى بين الراحة و الأداء, لا مفر من ذلك, و كلما زاد قطر الجنط قل حجم الكاوتش و بالتالى كان امتصاص الكاوتش لصدمات الطريق أقل,
تغيير المساعدين لن يأتى بفائدة و المساعدين الخفاف لهم أضرار كبيرة على الثبات.
هناك بعض الحلول الوسط مثل تغيير المقاعد مثلا بمقاعد أخرى أكثر راحة و فى الحالة دى العربية هتبقى مريحة أكتر دون تأثير على الثبات.

فعلاً دي كانت احد الإقتراحات قدامي بس مش عارف حاسسها فيلم طويل

طب اية رأيكم لو عملت فرش جلد + تنجيد؟
هل هتفرق؟

رد: موضوع مهم بخصوص آداء العربيات مقابل الراحة على الطريق

ماحدش بياخد كل حاجه
العفشة اما رياضية وناشفه
او ناعمه و ضعيفة
اللي حل المشكلة الماركات و الفئات العليا زي بي ام من الخامسة وانت طالع او مرسيدس اس
في العربيات دي بيتم التحكم في درجة قساوة المساعدين بزيادة او تقليل ضغط الهواء فيها
وبالتالي ممكن تختار بالi drive
في البي ام مثلا بين الراحةcomfort style
او القيادة الرياضية sport style
وهكذا
علي العموم اتمني لك التوفيق و الوصول لحل يسعدك

رد: موضوع مهم بخصوص آداء العربيات مقابل الراحة على الطريق

بص حضرتك
هي عمليه حسابيه بحته
لو عايز ثبات يبقي علي حساب الراحه
و العكس صحيح
يعني راكب عربيه بجنوط اسبور و عفشه رياضيه
يبقي معاك عربيه ثابته بس مش مريحه كركوبه
و لو راكب عربيه بجنوط عاديه و بعفشه ناعمه
يعني مفيش ثبات بس في راحه في ركوبها

رد: موضوع مهم بخصوص آداء العربيات مقابل الراحة على الطريق

بدل الجنط ال 15 ممكن كنت تجيب 14
او تجيب كاوتش عريض و خلاص لان عرض الكاوتش هو المسؤول عن الثبات

رد: موضوع مهم بخصوص آداء العربيات مقابل الراحة على الطريق

اقتباس:

المشاركة الأصلية كتبت بواسطة mmffor (المشاركة 422149)

بدل الجنط ال 15 ممكن كنت تجيب 14
او تجيب كاوتش عريض و خلاص لان عرض الكاوتش هو المسؤول عن الثبات

هو عرض الكاوتش احد عوامل الثبات فعلاً لكن مش كلها

الأهم هو ارتفاع الكاوتش او aspect ratio اللي بيكون نسبة من عرض الكاوتش ..لأن كل ما ارتفاعه قل .. قلت كمية الهواء و بالتالي العربية بتكون متماسكة اكتر في الملفات

بالإضافة إلى ان مقاس 195/14 او 185/13 المتوافق مع مقاس عربيتي الأصلي مش متوفر :(

شكراً :)