رد: اخشى مطالع الكبارى
 

مع الاحترام التام لكل اللى ردوا بص يا سيدى انا هتكلم على اساس انك جديد فى السواقة بص انت طالع كوبرى الكوبرى وقف تقوم انت لو سبت العربية هتنزل منك على اللى تحتيك طبعا انت هتخاف تقوم جايب الاول ومتسبش الدبرياج خالص لاة خلية نصة كدة معشق وفى نفس الوقت سنة بنزين ثقيلة شوية يعنى الدبرياج نصفة وسنة بنزين هتلاقى العربية زى ماتكون انت اللى محكمها هتنزل تقوم شادد سنة بنزين زريح وسنة بنزين كدة جرب وقولى ولو فى حاجة مش فاهمها انا معاك فى اى حاجة

رد: اخشى مطالع الكبارى
 

الحركة دي تسمي الميزان و انا شخصيا باستخدمها كتير بس اعتقد انها تبقي صعبة شوية لواحد لسة جديد علشان يعرف يوزن رجله صح بين البنزين و الديبرياج بس طبعا الهاند اسهل و اضمن بكتير

رد: اخشى مطالع الكبارى
 

شكرا لجميع الاخوة الافاضل الاهتمام بالموضوع وجزاكم الله كل خير والله خير حافظا وهو ارحم الراحمين

رد: اخشى مطالع الكبارى
 

فى الاول استعمل فرامل اليد كالتالى
لما تكون ماشى والطريق وقف تدوس دبرياج وفرامل ومتسيبش الفرامل الا بعد ما تشد فرامل اليد

لما الطريق يبدأ يمشى تانى تجيب الاول وتدوس بنزين هتحس ان العربيه عاوزه تمشى فتنزل فرامل اليد. يعنى فرامل اليد بعد ما تدوس بنزين علطول.
وبعد كده ان شاء الله هتلاقى الموضوع سهل
وبالتوفيق

رد: اخشى مطالع الكبارى
 

نصيحتى ليك أنك لازم تطلع كبارى كتير عشان تكسر الخوف ده وتتعود على السواقة فى مطالع الكبارى
وطبعاً الحمدلله الأعضاء قالو أزاى تقدر توزن عربيتك من غير ماترجع لورا
توكل على الله وحاول كتير عشان تاخد على الموضوع - السواقة ممارسة يعنى لازم تمارس موضوع طلوع الكبارى ده كتيرررررر