رد: الصقر بعافيه شويه
 

لما العربيه بتشتغل شويه وطفيها وتيجى تشغلها بتشتغل على طول
لو الموضوع ده كده يبقى حاجه من 2
1- البطاريه كل سنه وانت طيب (العمر الافتراضى 2-3 سنوات تقريبا )
2 - فى تحميل او تلميس فى الضفيره وده ممكن تعرفه لما تقفل الكونتاك وشيل احد القواشيط للبطاريه ولمسه فى مكانه لو فى شراره كبيره يبفى فى حمل (حاجه شغاله) اوتلميس فى السلوك

رد: الصقر بعافيه شويه
 

رد: الصقر بعافيه شويه
 

رد: الصقر بعافيه شويه
 

السلام عليكم يا رجاله طبعا في البدايه انا احب اشكر الاستاذ corsair على استعداده لمساعدتي ربنا يكرمك طبعا ولاد مهنه واحده ولكل من ساهم في ايجاد حل للصقر المريض
طبعا بعد معاناه مع الكهربائيه على الخروج من الورشه ببطاريه للذهاب لمكان العربيه بدل الذق او القطر وافق واحد منهم بعد شرط هو 30 جنيه خروج البطاريه سواء دارت العربيه ولا لا هو كده طلعه البطاريه من الورشه 30 جنيه المهم رضيت وان كان لك عند ال..... المهم وصلنا للعربيه وجربنا طلع العيب في البطاريه للاسف وللاسف دي لاني البطاريه لم تعطي اي سابق انزار لقرب ميعاد الانتهاء وبالخصوص لان بقلها معايا سنه واحده بس والي قبلها كانت سنتين ونص وهي ماركه AC DELCO وبعد ما اتاكدنا انا العيب من البطاريه الكهربائي قاس الدينامو واتاكد انا العربيه تما مش هي السبب وكمان علشان ياخد 20 جنيه للقياس واهو بالمره يقفل 50 وياخدها من الغرقان الي بيستنجد بيه وكانها تسعيره كل حاجه وليها تمنها وجبت والحمد لله بطاريه اخرى وللعلم ثمنها:fun_36_3_3[1]: اغلى بكتير من العام الماضي انا جبتها470 جنيه واخد البطاريه القديمه والحمد لله قلب الصقر رجع ينبض من جديد ويحلق في شوارع المحروسه ودي كانت حكايه الصقر في وعكه صحيه حبيت احكيهالكم للستفاده واسف على الاطاله

رد: الصقر بعافيه شويه
 

قياس شحن الدينامو والبطارية بالعافية الكهربائي بتاعي بياخد 5 جنيه

علي العموم ربنا يديك خيرها ويكفيك شرها

بس انا اتصدمت سعر البطارية رفع اوي ليه كدا

كانت الجافه من قبل الثورة ب 300 جنيه

ربنا يستر ومتغلاش تاني

وانا تحت امر حضرتك في اي وقت وحاول تسيبك من الكهربائي المستغل ده