المشاركة الأصلية كتبت بواسطة sad-bird (المشاركة 400665)

التوفيقية في وسط البلد
اقرب مترو جمال عبد الناصر
دمشق في مصر الجديدة لكن فين بالضبط معرفش لكنه قريب من سفير لو هتركب مترو الانفاق هيبقى بعيد عنه لكن ممكن تنزل وتغير مواصلات تنزل كوبري القبة ومن هناك تاخد اي حادة داخلة مصر الجديدة

المشاركة الأصلية كتبت بواسطة hatem_eg (المشاركة 400684)

التوفيقية في وش سنترال رمسيس
شارع دمشق يا سيدي لو انت عند سينما روكسي ومكمل ناحية حديقة الميريلاند ، حتفضل ماشي لحاد اول ما سور الجنينة يخلص حتلاقي شارع على ايدك اليمين ،، حتدخل فيه تقريبا تالت ناصية ده شارع دمشق وحيكون معروف لانك حتلاقيه كله محلات قطع غيار وعربيات ركنه صفين وكلام من ده
لكن مش فاكر اقرب مترو ليه ايه بصراحه

المشاركة الأصلية كتبت بواسطة sad-bird (المشاركة 400695)

يبقى كده اقرب مترو ليه لو مترو مصر الجديدة يركب المرغني وينزل محطة الميريلاند
او لو جاي مترو انفاق تنزل كوبري القبة وتاخد اي حاجة ماشية المريلاند - المحكمة وتقوله نزلني شارع دمشق

المشاركة الأصلية كتبت بواسطة SuMo (المشاركة 400736)

بص يا باشا
دمشق هو موازى لشارع الحجاز و بيبتدى من روكسى من الناصيه بتاعت محل ام ام و اقرب مترو هو مترو النزهه هتنزل محطة الكنيسه اللى بعد سينما نورماندى و تمشى ميت متر او هتنزل محطة سينما نورماندى و تمشى برده ميت متر و لو هتركب مترو الانفاق هتنزل محطة سراى القبه و تركب اى حاجه نازله روكسى و تنزل امام ام ام