مصر موتورز مجتمع السيارات - مش طايق العربية وشكلى هستغنى عنها

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - مش طايق العربية وشكلى هستغنى عنها (https://www.masrmotors.com/vb/showthread.php?t=51674)

رد: مش طايق العربية وشكلى هستغنى عنها

اقتباس:

المشاركة الأصلية كتبت بواسطة مهند النجار (المشاركة 391872)

بعد اذنك
هو مش انت معاك 128 صح؟
يعني صغيرة مش مشكلة؟
انا بقي حقولك انا بدور علي ركنة اد اية
اولا انا في الاسكندرية معايا سيات133
لما بروح درس ما باخدش دقيقة الركن
ولو رحت مكان فيه سايس بدفع جنية وساعات بخلع
و لو المكان زحمة بركنها علي اي رصيف اةة بتطلع ع الرصفان 4*4 بقي
انا مش متصور ازاي انت بتعاني في الركنة جايز عشان في القاهرة؟؟؟؟؟؟؟؟؟؟
بس انصحك لو مافيش مكان قريب من شغلك
تركن في حتة بعيدة شوية و تاخدها مشي ماهو المشي رياضة و التدوير علي ركنة موهبة
اعرف المنطقة اللي انت بتركن فيها كويس هتلاقي اماكن كتير ما حدش عارفها جوة الحواري و الشوارع
اعذرني ع الاطالة وارجو انب اكون افدتك

انا فعلا معايا 128
والله ياباشا انا بعانى علشان فعلا انا فى القاهرة ومكان عملى فى وسط البلد يعنى انسى انك تركن ببلاش
انا فعلا اللى بشعر فية بالاستغلال ان عند الشغل واحد واخد كذا حارة عاملهم جراج وطبعا البية سادد الحوارى بعربيات علشان مش اى حد يركن ولو عايز تركن طول اليوم بخمسة جنية
انا اللى نفسى اعرفه مين اللى سمح لية بامتلاح الحارة

سيبك انت كنت امبارح الساعة 10.00 صباحا رايح تامينات قصر النيل بوسط البلد وطبعا رايح بالعربية على اساس هلاقى مكان
ادخل الشارع ياللهول العربيات راكنة اربع صفوف صفين عن اليمين وكذلك على الشمال
يا جماعة عايز اطلع التامينات نصف ساعة ونازل على طول ضابط واقف فى اشارة مرور قال لى ممنو ع وهتاخذ مخالفة
قولت اركن فى اى ساحة انتظار اشوف مش لاقى خالص وكلة على الاخر
روحت رايح هند الشغل راكن العربية فى حارة الراجل اللى لسة متكلم علية بخمسة جنية وروحت التامينات على رجلى

والله انا نفسى اشترى دراجة (عجلة) انا بحب العجل جدا جدا بس نعمل اية بقى فى المجتمع اللى احنا فية
ومعلش طولت عليك

رد: مش طايق العربية وشكلى هستغنى عنها

اقتباس:

المشاركة الأصلية كتبت بواسطة loadshow (المشاركة 391886)

عاوز نصيحتي
امشي بيها بالليل في الرواقة كده
وروح بيها الكورنيش مع علبة كانز وروق بالك
ولاتخنق نفسك
بس تعرف المحافظات زحامها بيبقي اقل شوي
من القاهرة والجيزة
يمكن عشان الزحمة عندك كتير فانت حاسس الإحساس ده
- حاول انك تمشي في الشوارع الواسعة
- خليك على نفس المنوال احترم العجوز واي حد عاوز يعدي الطريق
الخليج هنا كل كده بيحترموا اللي بيعدي الطريق
واللي يضربلك كلاكس نفض له
انت صح وهما غلط
تحياتي ليك
وماتزعلش نفسك

والله يا اخى انت فعلا هدءت من الاحتقان اللى انا فية
سبحان الله انا بحب لما اشوف اى شخص سواء كان كبير او ضرير مش عارف يعدى الطريق من سرعة العربيات بفعل اقل واجب واقف لحد ما يعدى بس بيكون نفسى انزل اعدية الطريق بنفسى والله لولا إنى عارف أنى هرجع أجد العربية طايرة من اى سواق ميكروباص او اوتوبيس لفعلت
الحمد لله على كل شىء وجزاك الله خيرا

رد: مش طايق العربية وشكلى هستغنى عنها

انا اشتريها منك لو عايز تبيعها

رد: مش طايق العربية وشكلى هستغنى عنها

هوا بصراحة المشاوير اللى تكون طويلة واماكن زحمة اريحلك مواصلات والعربية ليها استخداماتها التى لا غنى عنها بس لما مشوار رايح جاى مواصلات ياخد ساعة و 3 جنيه مواصلات احسن ما تروحه بالعربية وتحرق دمك ساعة و 5 جنيه بنزين

رد: مش طايق العربية وشكلى هستغنى عنها

يا فندم حاول تهدي نفسك
و هو ده حال البلد اللي احنا عايشين فيها
و ربنا يعدل الحال للاحسن