رد: العربيه عزمها بيقل لما بتسخن ؟؟؟؟
 

بتقل استجابة العربيه مع السخونه بعد ما امشى بيها حوالى 20 دقيقه او 30 دقيقة
باضغط بنزين .. التسارع بيكون بطى (وانا ماشيه على 60 كم مثلاً)

----------------------------

لما باسخن العربيه عادى الصبح - واتحرك بيها بعد ما تسخن بيكون العزم كويس
لكن بعد ما بامشى بيها فتره - اشعر ان العزم والاستجابه لدواسة البنزين بيقلوا

----------------------------

فى معلومه نسيتها فى الموضوع ... لما ضغط فرامل وما لقيتش فرامل وانا على الكبرى .. فى الاول العربيه طفت منى - وبعد ما طفت الفرامل بقيت متحجره - يعنى ادوس - الدواسه اساساً مش عايزه تتداس عليها - ذى ما يكون تحتها حجر - ولما شديت فرامل اليد - ولا عملت حاجه - واول ما شغلت العربيه - الفرامل رجعت يداس عليها وتفرمل تانى - ولما بتكون العربيه شغاله الفرامل بتكون شغاله كويس - ولما باضغط على الفرامل جامد وانا ماشيه - العجل مش بيلف - وبيحصل صوت الفرامل المعروف الناتج عن الاحتكاك بالاسفلت - الاربع عجلات بيثبتو

اخر مره غيرت زيت الفرامل كان من شهرين - بالظبط فى 1 يناير 2011
فرغ العلبه الى فيها الزيت - وحط زيت جديد Lockhead dot3

ما فكش العجل ولا سحب منه الزيت - وقالى الزيت ها يتوزع على كل العجل

بعدها فعلاً حسيت ان دواسة الفرامل بقت اخف واحسن لما اضغط عليها - والعربيه بتقف تماماً
عشان قبل ما اغرير زيت الفرامل - كانت دواسه الفرامل تقيله شويا - لكن العربيه كانت بتقف برضو

بعد كدا فى واحد قالى ان الزيت dot4 أحسن للفرامل
فاشتريت زيت اسمه HBF4 فرنساوى - بس لسه ما غريرتوش
http://www10.0zz0.com/2011/01/04/13/704826236.jpg

----------------------------

حاضر ان شاء الله بكره اشوف حرارة كل جنط واشوف اذا كان فيهم واحد بيسخن زياده


شكرا جدا لاهتمامكم

رد: العربيه عزمها بيقل لما بتسخن ؟؟؟؟
 

من غير مايفك العجل

المفروض كان ياخد الهواء من دورة الفرامل

وأعتقد

المفروض تجربى تستنزفى الهواء أولا من كل خطوط الفرامل ( من عند الأربع فرد )

وتجربى العربيه

لأن

المشكله فى الهواء المحجوز حاليا جوه مواسير دورة الفرامل

___________________

فلو

تم أستنزاف الهواء صح من الأربع فرد

قد تتلاشى كل ملاحظاتك

( من جهة نقصان السحب مع السخونه وإخفاق الآداء الفرملى أحيانا )

ولا تحتاجى حتى لتغيير زيت الفرامل

لأن النوع الحالى زى الفل

بس العيب فى الهواء ( المحجوز حاليا فى الخطوط )

رد: العربيه عزمها بيقل لما بتسخن ؟؟؟؟
 

شكراً جزيلاً

ان شاء الله اخلى الميكانيكى يسحب لى الهوا من العجل

------------------------

فى اراء سمعتها .. ايه رأى حضرتك فيها؟
1) السبب كهربا مش مظبوطه (زياده او عايزه تزيد شويا او مأخره كهربا او الكهربا محتاجه تتأخر شويا)
2)السبب البوجيهات - (مع انى مغيرها من شهر)
3) السبب ترموستات الكوعه. (انا مش عارفه ايه هى الكوعه ؟)
4) السبب طلمبة البنزين ضعيفه - او فلتر البنزين مسدود
5) العربيه اتوماتيك - يبقى فيها اسطوانه ديبرياج ؟ لان واحد قال السبب اسطوانه الدبرياج.
6) واحد قال حطى فوطه مبلوله على البوبينا

رد: العربيه عزمها بيقل لما بتسخن ؟؟؟؟
 

الرأى ده أكثرهم قبولا وورودا

فوارد برضه

تقل كفاءة البوبينا بعد السخونه

ومعنى نقصان كفاءة البوبينا مع السخونه

أى ضعف فى شرارة البوجيهات

مما يعنى نقصان فى السحب مع السخونه

رد: العربيه عزمها بيقل لما بتسخن ؟؟؟؟
 

طيب لو حطيت فوطه مبلوله والنتيجه كانت كويسه

يبقى مش معقول كل شويا ابل فوطه واحطها

بس ابقى عرفت السبب - واغير البوبينا - صح ؟

فى نوع حضرتك توصى بيه للبوبينا ؟
وسعرها بالتقريب حوالى كم ؟