|
رد: عايز نصايح فى السواقه
انا لما كنت بتعلم كنت بنزل يوم الجمعة بعد صلاة الفجر وامشي في شوارع القاهرة
دا احلى وقت تمشي فيه وتاخد الثقة وخد العملية تدريجي يعني ماتدخلش في الزحمة على طول نصيحة قالهالي واحد صاحبي قديم في السواقة لما كنت لسة بتعلم لو لقيت قدامك مطب او حفرة لا تمشي يمين ولا شمال كلها وامرك لله لان اخرها هايبقى في عربيتك انت في العفشة بالكتير في مساعد انما لو اخدت قرار انك تفاديها يمين او شمال ممكن تخبط حد يكون جاي وراك سريع - ودا كتير جدا. |
رد: عايز نصايح فى السواقه
شكرا يا رجالة على النصايح ديه وربنا يكرمكوا
ويسهلها عليا :D اصل والد سافر وسابلى العربيه ومركونه تحت البيت اهى بقالها يومين خايف امشيها احسن تتخبط وبدورها وخلاص عشان متنامش بكره ان شاء الله همشيها وهتوكل على الله وربنا يستر |
رد: عايز نصايح فى السواقه
جمد قلبك ...أهم حاجة فى السواقة انك تبقى واثق انك بتعرف تسوق ومقدر كل شئ وواثق من عربيتك...الخوف ونبض القلب هم سبب الرعشة وفقدان التركيز...انا كنت زيك كدة كنت أول مرة أسوق على طريق سريع طنطا المحلة طريق كلللللللله نقل وقرف..طبعا بما انها كانت أول مرة أسوق على طريق سريع كنت خايف لدرجة انى كانت رجلى بتترعش والله ...بس بعد 10دقائق خدت ثقة وادتها على 100كم وانطلقت بقى بين النقل وما أدراك ما النقل...أهم أهم أهم حاجة المرايات عينيك متغفلش عنهم طول مانتا سايق وأحسن حاجة لو انت هاتسوق على طريق سريع أو جوة البلد متمشيش فى النص خد الجنب الشمال أحسن عشان تبقى مركز فى مراية واحدة فقط انما فى النص هتتلبخ بالمرايتين...خد الشمال وانطلق بس براحة خااالص وبحذر..وربنا يحفظلك العربية من الشرور:crazyW14:
|
رد: عايز نصايح فى السواقه
اقتباس:
|
رد: عايز نصايح فى السواقه
اقتباس:
مادام الوالد مسافر يبقى يفضل ماتبعدش عن المنطقه بتاعتكم وتنزل في وقت يكون مافيهوش زحمه عايز اقول معلومه بس علشان اشجعك بس مش عايزك تتهور انا اليوم اللي اخدت فيه رخصه السواقه اخدت العربيه وطلعت السويس ووانا راجع باليل الدنيا مطرت يعني كان يوم عسل فتوقع اي حاجه ممكن تحصل :crazyW14: |
| الساعة الآن 03:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017