|
رد: ساعدونى قبل ما اشترى ال 128 ضرورى
السعر مناسب جدا جدا
وانا شايف كمان ان سعرها قليل عن امكانيتها لو كل حاجة فيها تمام ميكانيكا وكهرباء الى اخرة توكلى على الله انا والدي جايب ال 128 موديل 89 بي 19000 والحمد لله كويسة الكبالن هي التى يقع على عاتقها نقل الحركة من صندوق التروس المتصل بالمحرك الى عجل السيارة الامامى وببساطة هى اللى بتخلى السيارة تتحرك لما بتلفى الدركسيون يمين او شمال لان ال128 سحب امامى يعنى الموتور بيحرك العجل الامامى وبالتالى لما بنلف الدركسيون يمين او شمال لازم حاجة تحرك العجل وكانت هى الكبالن (ياريت لو حد يعرف يشرحها اوضح من ذلك يتفضل مشكورا) لا تقلقى منها طالما فهى جزء كاي جزء فى السيارة تحتاج التغيير عند تلفها وال 128 سيارة جميلة بجد والله وباذن الله تكون سيارة مباركة عليكى |
رد: ساعدونى قبل ما اشترى ال 128 ضرورى
السعر مناسب جدا وامكانيات كويسة ومن رايي انك تخدي راي مكانيكي تاني متكتفيش براي واحد ويستحسن ميكونش تبع البايع والاحسن كمان وهوا مش معاكي وتاكدي من عدم وجود بارومة في حوض الماتور والركب
|
رد: ساعدونى قبل ما اشترى ال 128 ضرورى
معلش انا عارفه انى متعبه
انا سالت تانى على المواصفات هى نفس القولته لكن الزجاج مش كهربا والحمد لله مفيهاش اى بارومه والموتور ممتاز بس انا ساكنه فى فى العجمى والطريق من الشارع لغاية البيت حوالى 500 متر مش متسفلت يعنى الارض مش متساوية ال 128 هتستحمل ولا ايه معلش هتعبكم معايا |
رد: ساعدونى قبل ما اشترى ال 128 ضرورى
انا شايف انها بأذن الله هتتحمل لانى انا عندى ال 128 بمشى بيها فى طرق كثيرة غير ممهدة بس نصيحة لازم تمشى براحة فى هذه الطرق بالنسبة للزجاج انة مش كهرباء مش مشكلة وبردو سعرها كويس والله انا من اريي انها فرصة طالما العربية كويسة توكلى على الله بس من الافضل زى ما قال الاخ الكريم akerima انك تشوفى ميكانيكى وياريت ميكونش يعرف صاحب العربية |
رد: ساعدونى قبل ما اشترى ال 128 ضرورى
الميكانيكى الشكرلى فيها تبعى مش تبع البائع
الف شكر على مشاركتكم وهسال ميكانيكى كمان وربنا يقدم الفيه الخير |
| الساعة الآن 05:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017