رد: وزير مصري يجلس على الأرض ويستمع لطلبات المحتجين(فيديو)
 

مش الوزرا دول اللي بنشوفهم في التليفزيون ؟ و اللي الشوارع بتتقفل بالموتوسيكلات و الشيروكيهات لما بيعدوا؟ و اللي لما تلاقي شارع اوله و اخره مقفول ببوكس و 50 ضابط مسلحين تعرف ان الشارع ده ساكن فيه وزير؟
يعني خلاص الوزرا بتاعنا حنشوفهم في الشوارع زي الناس العادية؟ و حيركبوا المواصلات العامة زي الوزرا بتوع اوروبا و ايران؟

رد: وزير مصري يجلس على الأرض ويستمع لطلبات المحتجين(فيديو)
 

مع اعتراضي علي احمد زكي بدر وزير التعليم و اسلوبه الفظ
لكن لا ننكر انتظام الدراسه في المدارس و خوف الطلبه من بطشه و اداره المدرسه قبلهم
لمده اربع او خمس سنين مكنش فيه طالب ولا مدرس بيروح المدرسه و دي كارثه في حد ذاتها
ازاي طفل صفير او شاب مراهق يتعود علي الصحيان متأخر و من غير التزام بالمدرسه
دي كارثه و حتخرج جيل من المستهترين .
فكروا معايا كده
لما يبقي واحد شغله الساعه تمانيه او تسعه الصبح و هو اساسا مش متعود يقوم بدري
يا تري دا حيعمل ايه؟؟
اكيد حيفشل فشل زريع
رغم اختلاقي مع احمد بدر(الوزير طبعا مش مشرفنا العزيز:) )
الا انه احقاقا للحق الراجل دا بدأ يظبط المدارس و لو كان تحت اداره احمد شفيق من اول الوزاره
كان زمانه متأقلم حاليا و هدي من نفسه شويه و اسلوبه الغليظ

رد: وزير مصري يجلس على الأرض ويستمع لطلبات المحتجين(فيديو)