مصر موتورز مجتمع السيارات - ياعني إيه (إيه بي إس) بيسحف؟!!؟

مصر موتورز مجتمع السيارات (https://www.masrmotors.com/vb/index.php)

- تويوتا TOYOTA (https://www.masrmotors.com/vb/forumdisplay.php?f=28)

- - ياعني إيه (إيه بي إس) بيسحف؟!!؟ (https://www.masrmotors.com/vb/showthread.php?t=46687)

رد: ياعني إيه (إيه بي إس) بيسحف؟!!؟

على وصف حضرتك

كده ال

abs

ماشتغلش

رد: ياعني إيه (إيه بي إس) بيسحف؟!!؟

اقتباس:

المشاركة الأصلية كتبت بواسطة Limoway (المشاركة 345598)

لازم تعمل تجربة علشان تعرف إيه مية العربيه

إجري في شارع فاضي وفرمل فجأه وشوف الإيه بي إس إشتغل ولا لأ

يمكن النظام بايظ.

وبعدين إنزل شوف علي الأسفلت العجل زحف ولا لأ

المفروض تلاقي علامات زحف قصيرة المسافة ومتقطعة (ده لو النظام سليم)

أوك نجرب عادي إحنا ورانا حاجة إنتا تؤمر بس
بس أفتكر إني مش محتاج أنزل أبص على الأسفلت أنا كنت بحس بيها قوي من دواسة الفرامل وخاصتا في الهوندا.(كنت بحس فعلا بيها وبشكل ملحوظ) وكان لايمكن أسمع صوت زحف.

اقتباس:

المشاركة الأصلية كتبت بواسطة bmkbmk (المشاركة 345612)

حصلت معايا قبل كدة يا باشا .. العجل زحف منى بس الموضوع ده كان له ظروف معينة

كنت ماشى على الطريق الزراعى بشد مع عربية تانية بسرعة حوالى 160 و الاقيلك ميكروباص بيقطع الطريق عليا من الشمال و عربية نقل من اليمين
فا دست فرامل بكل قوتى ....العربية فضلت تهدى جامد و بعدين سمعت صوت زحف العجل و علشان ستر ربنا سواق النقل خد باله و وسع لى غرزة خدتها و انطلقت ... بس طبعا بعد ما قللبى وقع فى رجليا

ربنا ستركويس إنك عديت أو تجاوبت مع الغرزة بسرعة لأنها في الآخر بتلاقي كل الي حصل ده وبيتكتب في كام سطر حصل في أقل من ثانية.
في الأول ولا في الآخر الحمد لله على ستره ومهما كان إيه بي إس ولا إيه بي دي ولا تي تي تي حتى المهم في الآخر هوا ستر ربنا.
بس الواحد بيقول بس مادام دا حاجة موجودة في العربية وهوا مشتري العربية كلها بالي فيها ياعني يبقى ليه يبوظ أو مايشتغلش.

و دى المرة الوحيدة اللى حصل معايا كدة ... و العجل مازحفش تانى ابدا الحمد لله

طيب تمام ياباشا كدة زي الفل الحمد لله.

يعنى من الاخر النظام ده له حدود معينة بيشتغل فيها لو فاقت قدرته العجل بيزحف ....

بس دي ياباشا زحفت معايا من أول دوسة الفرامل مباشرة ولحد ماوقفت ياعني مالحقش حتى يشتغل وبعدين يفصل علشان نقول ل أنا الي كنت ماشي بسرعة قوي وفرملت جامد قوي.
كمان انا ماكنتش على السرعة الكبيرة دي علشان اقول ماهو لازم تزحف علشان تقف.

بس حاول تختبرها برده زى ما قالك Limway

تماام ياباشا هيحصل إنشاء الله وهقلكوا إيه الي حصل.
طيب رأيكوا إيه أكون فوق الـ100 ياعني ولا تحتها ولما أدوس فرامل لازم تكون شديدة مش كدة.:crazyW14:

اقتباس:

المشاركة الأصلية كتبت بواسطة mhamdy75 (المشاركة 345621)

على وصف حضرتك

كده ال

abs

ماشتغلش

نورت هيئة المحكمة تصدق جيبة المفيد. هههههههههه
أنا بهزر معاك والله ماتزعلشي بس أهو بقى هم يضحك وهم يبكي.
تقبل إحتراميGIFT4U.
ألف شكر لكل من قرأ فإهتم فتجاوب ورد :playing_music::14369D~14 9:.
ياعني كدة أنا عندي مشكلة في الفرامل وفي الإيه بي إس بالذات ياشباب ولا إيه؟

رد: ياعني إيه (إيه بي إس) بيسحف؟!!؟

فعلا كده فيه شك فى حدوث خلل لنظام الabs

ولازم يتعمل تجربه أولا

للتحقق من وجود العيب من عدمه

كان العيب لسه مستمر

أعتقد يفضل تغيير زيت الفرامل

وأخذ هواء الفرامل

والتجربه مره أخرى للتحقق من زوال العيب

رد: ياعني إيه (إيه بي إس) بيسحف؟!!؟

السلام عليكم
أنا وأنا راجع من الشغل النهاردة جربت العربية وكانت التفاصيل كالآتي:
1- مشيت بسرعة 60 أو 70 ودوست فرامل قوية العربية سحفت نفس المسافة لما عملت الحادثة تقريبا من 5 إلى 6 متر أو أقل منها شوية علشان الشارع كان مطلع وكان الوقوف في خط مستقيم تماما.
2- مشيت على سرعة 90 او أعلى حاجة بسيط ودوست فرامل تاني إستجابة الفرامل سريعة ياعني أشك إنها واخدة هوا وبردو إزحف زي ما إنتا عايز ومافيش أي أثر لنبضات الـ إي بي إس وبردو كان الوقوف في خط مستقيم تاماما.
3- عدت التجربة تاني في شارع أوسع شوية وفاضي بنفس السرعة حوالي 60 إلى 70 والمرادي كسرت الدركسيون شمال شوية والعربية سحفت وعرضت, تقريبا لفيت نص دايرة كنت عايز الحق ألف الدركسيون كمان مرة يمين بس لقيتها مش مستاهلة أنا كدة بثبت لنفسي حاجة واضحة أصلا.
ملحوظة: أنا خلعت الجزمة وكانت رجلي على الفرامل حافية علشان إذ ربما أحس بحاجة بس على فكرة ماكانشي فيه أي أثر لأي حاجة إسمها إيه بي إس.
أولا أنا كدة متأكد إني ماعنديش إيه بي إس بس ماعنديش أي نور منور في التابلوه.
ثانيا لو الفرامل واخده هوا أكيد مش هتبقى مستجيبة أصلا كفرامل ومش هتسحف.
ثالثا أحل المشكلة غزاي وعند مين العربية موديل 2002 وأنا في الإمارات أروح فين للوكالة أنا بصراحة مستحرمها العربية قديمة اصلا بس مش ممتنع لو هوا دا الحل ولا أروح أي بنزينة من الي بتعمل سيرفيس عادي ياعني يكشفوا على الفرامل ويشوفوا اللازم ياعني الموضوع محتاج حد متخصص ولا اي حد ممكن يعملها؟
رابعا هل ممكن تكون المشكلة مشكلة كاوتش اصلا ممسوح شوية مثلا بس أنا مش شايفه ممسوح ولا حاجة لو عايزين أصورهولكم أصوره بس أشوف حتة شمس بس وأرفعلكوا الصورة وكمان صعب يكونوا الأربع فرد ممسوحين مع بعض وبنفس المقدار مش للدرجادي ياعني.
أفتوني أفادكم الله.:crazyW14: