رد: حد عنده فكرة عن المشكلة دي ( فتيس اوتوماتك )
 

الزيت بيتبخر عادى من غطاء الزيت لو المكنه كانت سخنه

بس فيه نسب برضه

ومنقدرش نحكم كده بسهوله على سلوك دايرة التبريد عندك

فوارد فعلا

يكون فيه خلل فى آداء دورة التبريد

وصباع الحراره بيغش فعلا وشغله مش سليم مثلا

وعلشان كده بتلاقى الحراره فى صوره شبه طبيعيه على مؤشر الحراره

كله وارد

رد: حد عنده فكرة عن المشكلة دي ( فتيس اوتوماتك )
 

ممكن يكون كلام الناس دى صح فعلا بسبب سخونة الزيت نتيجة عدم كفاءة دورة التبريد

وهل سمعت كلامه وزودت الزيت

وزودت أد أيه

ووضع الزيت عامل أيه حاليا على مقاس الزيت ...............؟

رد: حد عنده فكرة عن المشكلة دي ( فتيس اوتوماتك )
 

شكرآ يا باشمهندس لاهتمامك
فعلآ أنا زودت الزيت في محطة بنزين
بس خطوا نص كيلوا بس
هوه كان قالي زود كيلو
و قسته في محطة تانيه قالوا لي مظبوط
بس انا حاولت اقيسه فشلت
لانالزيت لونه شفاف و المقاس لونه ابيض
بادور العربيه و اجيب المارشديل و اشد فرامل اليد و اقيس
بس بصراحة مش متاكد الزيت في انهي مستوى !!!!!!!!
اعمل ايه عشان أتاكد من عوع الزيت لو سليم و لا لأ ؟
و هل في نوع ممتاز يعني ننهي بيه الشك ف نوع الزيت انا حطيت موبيل الغريب انه اول مره كان لونه شفاف لكن لما جم يزودوه ف المحطة كان لونه مائل للحمرة
و بعدين مشكلةالسخونة دي ممكن اعمل فيهاايه عشاناطمن اذا كانت العربية سخنة فعلآ زياده و لا لأ ؟؟

رد: حد عنده فكرة عن المشكلة دي ( فتيس اوتوماتك )
 

غير زيت الفتيس كله

لأن زيت الفتيس الصح

بيكون أحمر

واضح أن نوعية الزيت الحالى عندك غير مناسبه

غيره لزيت فتيس أوتوماتيك من أنتاج شركة موبيل مثلا

رد: حد عنده فكرة عن المشكلة دي ( فتيس اوتوماتك )
 

السلام عليكم ورحمة الله وبركاته

بما اني املك نفس السيارة
اعتقد ان المشكلة هتبقي فعلا في الزيت ونوعه
زي ما قال استاذنا م/ سمير

لان زيت الفتيس لونه احمر مش شفاف

فلازم تغير الزيت كله لزيت فتيس اتومامتيك من شركة موبيل او ايسوا وهما الاتنين زي بعض

ويا ريت لو اللي يغير الزيت يكون ميكانيكي ويا سلام لو متخصص في الفتيس يبقي كويس قوي

وبرده حضرتك لازم تقيس زيت الفتيس علي القياس الساخن مش البارد

يعني بعد ما تمشي بالعربية شوية وتنقل الغيرات وراء وقدام وكده
وبعد كده قيس الزيت

وان شاء الله ما يكونش عندك مشكلة في الحساسات