المشاركة الأصلية كتبت بواسطة hazem_khidr (المشاركة 338253)

اهلا و سهلا بيك في مصر موتورز
الاونو سياره ممتازه و مدنيه في الاصل
لكن لا مانع من السفر بالسياره ان كانت بحاله ممتازه
يعني العفشه و قواعد الموتور مضبوطه و الموتور كويس تسافر بيها و انت مطمن
لكن طبعا من غير قرص علي الموتور
عاوز تجري اجري لكن بلاش القرص علي الاونو او اي عربيه عموما
بالنسبه للمواتير حتلاقي مواتير كتير تركب للانون
اقوي موتور كان 1300 تيربو بيخرج حوالي 110 حصان اعتقد
بس دا بيخلي العربيه زي الطلقه و محتاج تعديلات كتير و دماغ فايقه له
من الاخر حيبقي عملي للشباب المتطلب للسرعه فقط
عندك كمان مواتير الريجاتا ال 1300 تركب علي الاونو و حتحتاج تكبير اقرص الفرامل فقط
و علي فكره الموتور بتاعك كويس جدا و سحبه كويس لا بتقف علي مطالع ولا حاجه
(ليا واحد صاحبي كان جايبها زيرو في 98 و كان بيجيب بيها 180 علي الطريق!!!)
اما بالنسبه للثبات حيبقي المفروض تجيب عفشه سبور او اقل واجب مساعدين مونرو
بس لازم تكون العفشه عندك رقم واحد و الا المساعدين حيبهدلوا العفشه
و بالنسبه للبارات حاول تشوفها استعمال عند اي حد بيكون جايب عربيات اونو متقطعه

المشاركة الأصلية كتبت بواسطة Hazemomar (المشاركة 338375)

اولا .. شكرا لحضرتك عالرد و مصر موتورز منور بناسه ..
ثانيا .. انا لسه مجبتش عربية - تفكير في النوع لسه - :) - لسه طالب في هندسة :010105~332:-
ثالثا .. طيب هو ايه اللي بيبقى في نفس السعر و تبقى مستحملة و ثابتة عشان كده كبرت ... هل ممكن تكون الريجاتا ... ؟!
و شكرا ليك جدا يا استاذ حازم .. فعلا ما شاء الله عليك دائما متزن و منطقي ..