|
رد: أه فى الريموت
متشكر ليكم على الرد يا عمرو ومحمود .
امبارح أستطعت أفتح الريموت بنفسى الحكاية مش كانت صعبة. أخذت الحجر للساعاتى وقاسة بالجهاز وقالى لى الحجر كويس ومش عاوز يتغير. مش وثقت فى كلامة ورحت لواحد تانى وقاسة برضوا بالجهاز عنده وقالى هو كمان الحجر كويس ومش محتاج يتغير. الحجر مش غالى دة 6 جنية بس. الحقيقة أنا مش عارف إذا كانت العربية فيها سنتر لوك ولا لا أصلا. المتأكد منه إنه مش فيها إنذار. أرجع أسأل نفسى طيب ليه الراجل أدانى الريموت لو مش نافع للعربية.. مش فاهم. العربيات اللى زيها فيها المركة والموديل فيها سنتر لوك. هل ممكن تكون العربية دى مش فيها سنترلوك. لو سمحتم ممكن تنصحونى أعمل أيه. أنا عاوز أتأكد الأول إن العربية فيها سنتر لوك أو إنذار. هو الأجهزة دى فين فى العربية. أعرف منين ان العربية فيها سنتر لوك ولا لا..... أنا حيران... |
رد: أه فى الريموت
هى العربية ياباشا أكيد فيها سنترلوك أو أنذار على الأقل, أو الأثنين مع بعض.
الأنذار بيبقى غالبا فيه لمبة صغيرة على التابلوه من فوق عند القايم, بتشوفها من بره العربية وأنت واقف جنبها, ولما العربية بتتقفل بالريموت, الأنتظار بينور مرة أو مرتين, واللمبة اللى على تابلوه العربية بتنور وتطفى بصورة متقطعة علشان تدل على أن الأنذار شغال, ده غير أن لو حصل خبطة مثلا على جسم العربية السرينة هتشتغل, وكمان بيبقى فيه وحدة تحكم للأنذار تحت الكبوت, وراكب تحت الكبوت برضه البوق بتاع السرينة (لو فى سرينة فى النظام ده أصلا:)) أما السنتر بكل بساطة, لما بتدوس على زرار القفل فى الريموت, بيقفل المسوجر بتاع الأبواب عن بعد, ولو راكب جوه العربية وقفلت المسوجر بتاع باب السواق باقى الأبواب بتقفل مسوجر. لو مبتحصلش أى حاجة من دى, أو أى علامة خالص مع دوسة حضرتك على أى زرار فى الريموت, ياريت حضرتك تروح لكهربائى أو متخصص يشوف أيه النظام بالظبط, ويكشف على الريموت علشان كده محدش فاهم حاجة:) بالتوفيق ياباشا |
رد: أه فى الريموت
اقول اى انجيكشن باشا قال كل شئ التاكيد لانزار افتح الكابوت وشوف هتلاقى زى سماعة صغيرة على شكل هورن صغير شوفها ورد عالية وبالنسبة للسنتر يتحدد مع وجود انزار
|
رد: أه فى الريموت
أولا شكرا على الرد والمساعدة....
اللى متأكد منه دلوقتى أن العربية مش فيها إنذار أولا لأن اللمبة اللى على التابلوة مش موجودة وكمان مش موجود السماعة اللى قال عليها الأستاذ محمود. السماعة الموجودة هى سماعة الكلاكس ودى موجودة قدام الريدياتير. يبقى نستبعد وجود إنذار تماما الأن عاوز أتاكد من وجود السنتر لوك. هو شكل السنتر لوك ايه؟ وفين مكانه فى العربية؟ الحقيقة أنا جربت مرتين ثلاثة الربموت جنب العربية ومكنش بيعمل اى حاجة.. هل هناك من إقتراح ممكن نعمله.. تعرفوا إية اللى ينرفز. أنا فى المنوفية ودى محافظة عملة زى الأرياف. مش تلاقى فيها صنايعى يفهم فالعربيات الكمبيوتر والحاجات دى. هما شطار أوى فى القديم ويخلوا العربية القديمة عربية سباق بس لحد الكمبيوتر والجديد نقول Stop . تصدقوا أن مش فى ولا سكنر للكشف على العربيات هنا. ولا كمان ترصيص كمبيوتر للعجل ولا جهاز للكشف عن كبس الماتور زى اللى بأسمع عنه إنه منتشر فى القاهرة. الواحد ساعات بيحس إنه العربية دى مش تستحق تعيش فى البلد دى لإنها هتتبهدل لو عطلت من كل ميكانيكى يلعب فيها شوية ويعمل نفسة فاهم... أرجو المساعدة إن أمكن. مع الشكر . :crazyW14: |
رد: أه فى الريموت
بالنسبة للسنتر لوك انت عارف باب السواق هتلاقى فى زرار المسوجر طبعا عرفو بص يا سيدى انت تقفل المسوجر دة لو قفل الابواب يعنى سوجر الابواب والموضوع دة طبعا مع فتح المسوجر كمان كل يفتح هو دة السنتر لوك
|
| الساعة الآن 06:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017