مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   شراء سيارة من محافظة اخرى (https://www.masrmotors.com/vb/showthread.php?t=43506)

tom_gr 21-12-2010 02:18 AM

رد: شراء سيارة من محافظة اخرى
 
طيب على الاقل حد يجاوبنى على النقظة 2 و 3
الخطوات خلاص تمام عارفتها

انما بسمع ان فيه ناس بيقعدوا شهور وسنين على ما الملف يجى من المحافظة التانية ويفضلوا ياخدوا تصريح 6 شهور فى تصريح فى تصريح

الكلام ده بيحصل فعلا ولا ايه ؟

diaahsn 21-12-2010 02:23 AM

رد: شراء سيارة من محافظة اخرى
 
انا حصلتلى اولا قالولى مفيش شهادة بيانات لرخصة سارية وخدت ورق بيع العربية والرخصة وشهادة المخالفات ورحت المرور اللى هانقل علية ورفعت بصمة موتور وشاسية وفحصت بس يا معلم خدت تصريح عشان مكانش فية نمر جديدة وبعد سنة خدت النمر الجديدة يعنى لما التصريح خلص

amrmaismail 26-12-2010 01:09 PM

رد: شراء سيارة من محافظة اخرى
 
بص الصراحه موضوع التصريح لحد ما الملف ييجي ده مختلف من مرور لمرور
في القاهره بيدولك الرخصه والملف ييجي علي مهله
في محافظات بتدي ٦ شهور ومحافظات ٣
وحلني علي الملف ما ييجي
ليه بقي ؟؟؟؟
اقولك يا سيدي
انت بتسلمهم آخر رخصه ( اللي انت شاري بيها العربيه )
وبناء عليها هما بيبعتوا طلب استعجال للملف بتاع العربيه من المرور ده

لكن ...

ساعات العربيه ما بتكونش اول ما اتباعت من الاجنص راحت علي المرور ده ..لأ
دي بتكون مثلا لو انت شاريها من مرور الدقي
لكن هيا من ٣ سنين كانت في مرور العتبه وقبليها كانت في مرور السلام
هما في المحافظه بتاعتك مايعرفوش كده هما بيبعتوا لآخر رخصه اللي هيا الدقي
تقوم الدقي تبعت اللي عندها .... خليك معايا ماتهش مني
تقوم انت تروح تجدد التصريح تاني فاتشوف ان الملف وصل من الدقي تفرح
يقولولك لأ ده ناقص جزء
جزء ايه ؟؟
اصل الملف ( ورقة المبايعه او الافراج الجمركي )
طب والجزء ده ناقص ليه ؟؟ علشان نقل الملف داخل محافظه واحده مش بيدوا تصريح بيدوا رخصه علي طول وبالتالي صاحب السياره مش بيهتم انه ينقل الملف للمرور التابع ليه
نسيت اقولك حاجه مهمة هما في المرور مش بيبعتوا طلب الاستعجال غير لما انت تقولهم انا عايز ابعت طلب .. هما بيبعتوه اول مره بس واللي يجي يجي وانت تفضل تروح تجدد كل ٣ شهور وتقولهم الملف ما جاش يقولولك لسه
طاب هوا هييجي لوحده يا ولاد الـ.......
المهم تهت مني ؟؟
الملف بتاع الدقي جه ( وناقص )
تبص في ملف الدقي في اوله هتلاقي رخصه بتاعت ملف العتبه
تمام ...
تقول للموظفه ابعتيلي طلب استعجال للعتبه ( هيا مش هتبعته لوحدها )
وممكن انت تاخد طلب الاستعجال وتسافر بيه ( اسرع )
المهم ملف العتبه جه والحمد لله فيه الافراج الجمركي يبقي فرجت
مافيهوش يبقي طلب استعجال لاول رخصه في ملف العتبه يامعلم اللي هيا حسب المثال بتاعنا السلام
وده المرور اللي اتسجلت فيه العربيه اول ما اتباعت

اصل انا لفيت اللفه دي ربنا يكون في عونك

وتحت امرك في اي استفسار

tom_gr 26-12-2010 08:37 PM

رد: شراء سيارة من محافظة اخرى
 
ياحبيب قلبىىىىىىىىىىىىىىىىىىىىىى
ربنا يبشرك بالخير ياخويا


الساعة الآن 09:10 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017