رد: احلال الملاكى فى الطريق
 

اكيد هايكون احلال اختيارى وفعلا لابد من عمل احلال للحرس القديم عشان مشاكل زى البطالة والفساد تتحل يعنى لما عملوا احلال بوزارة التربية والتعليم بقى الشغل فيها ماشى زى الساعة واحوالها اتظبطت وتم القضاء على الفساد فيها بنسبة كبيرة واستبعد السادة الهبيشة وعلى مايبقى الوزير مركز قوى ( عشان بقى قديم ) يتشال هو ده الشغل وهى دى سنة الحياة عقبال باقى الوزارات واللى مشغلنهم ( لو ما آلت لغيرك ما وصلت اليك ) اللهم قد بلغت اللهم فاشهد ولاحول ولا قوة الا بالله

رد: احلال الملاكى فى الطريق
 

انا شايف ان الموضوع ده هيواجه عواقب كثيره منها انه ليس كل مالكى الملاكى لا يمكن اجبارهم على دفع قسط 1200 جنيه لسياره مثل الفيرنا بخلاف مصاريف السياره من بنزين وصيانه مع العلم ان البنوك لا توافق على ان يدفع العميل 1200 الا اذا كان القسط عباره عن 40 فى المائه من مرتبه. فمن الممكن ان يكون الموضوع اختيارى مع عمل اختبار بيئى كل 6 شهور زى ما قالوا قبل كده وطبعا التعامل مع المرور كل 6 شهور حاجه ......

رد: احلال الملاكى فى الطريق
 

معتقدش انه هيتنفذ لسبب بسيط جدا ان سيارات الملاكي اكتر من الاجره بكتيير جدا ده غير ان مشروع التاكسي الابيض فيه لسه مشاكل و كل يوم و التاني بيعملوا وقفه احتجاجيه ف مش معقول الحكومه هتفتح جبهتين تحارب فيهم كل ده كلام

رد: احلال الملاكى فى الطريق
 

يا استاذ احمد انا معاك جدا بس ايه اللى هيخليكم يقولو احلال الملاكى فى الطريق
وبعدين فى فرنسا حتى الان فى سيارات من السبعنات شغاله
ات عارف المشكله فين
فى مصر نفسها مش ملاحظ ان العربيات غليا جدا فى مصر بما فى ذالك
الجمارك كمان
ومعظم السيارات تجمع فى مصر
المشكله بقى ومنغير احلال ولا حاجه تنزل اسعار السيارات فى مصر الص
ويبقى الجمارك متاحه للجميع بدون مصاريف تقطم الوسط
كلو هيغير لوحدو ومنغير اعباء على الحكومه لان اللى متمسك بالعربيات القديمه لانه
عايش بالعفيه ومرتبه مش مكفيه ومحتاج عربيه فبيجيب قديم علشان ارخص
ومش عاوز يدفع تقسيط لان مرتبه ميسمحش بده

لو بصينا لده كله يبقى العجز على الحكومه اكتر
والمواطن غلبان
ولما محدش بيشترى عربيه لانهاغاليا فموضوع الاحلال ده مجرد اجبار الموطن على شراء السياره الجديده الغاليا بالعافيه


حد ينقشنى فى الموضوع ده

رد: احلال الملاكى فى الطريق