رد: احكى تجربتك مع تجار السيارات
 

انا تجربتى مع المصريه .
لأنى كنت عايز اجيب عربيه تقسيط و مش عايز ضمانات ولا تحويل مرتب ولا وجع دماغ قررت اجيب من المصريه المهم روحت و كنت نويت على العربيه خلاص و اول ما دخلت لاحظت حاجتين .
اولا ان ولا واحد قاعد فى المعرض يعرف حاجه عن العربيات و دى بجد كانت صدمه ليا ... ازااااااى واحد واقف فى معرض سيارات ميعرفش اى حاجه عن العربيات اللى عنده . قبل مروح ناس قالولى الموضوع ده قلت ادخل اختبر واحد فيهم و اضحكم عليه ... سألته عن الفيات بونتو ٢٠١١ ايه مواصفتها قالى ١١٠٠ سى سى و هى اصلا ١٣٠٠ و قالى فيها جنوط و ٢٠١١ مش جنوط اللى قبل كده اللى جنوط قلتله طب انا عايز منها اوتوماتك قالى مش موجوده دلوقتى و اصلا مفيش بونتو اوتوماتك اصلا
تانى ملحوظه هناك ان كلموظف بيبقى ليه نسبه لما يبيع لعميل فبلاقى الموظفين بيتخانقو مع بعض على العملاء لدرجه انى مره تانيه داخل بقى ادفع المقدم و سألت واحد على الموظف اللى بتعامل معاه جوه بصلى بقرف اتخانقت معاه بس الحمد لله جبت عربيتى بس بعد طلوع الروح . بس بجد انا وانا داخل المصريه من اول يوم لحد ماستلمت العربيه وانا حاسس انى بيتضحك عليا مش عارف ليهﻻﻻﻻ

رد: احكى تجربتك مع تجار السيارات
 

عندك حق
عارف المشكلة ايه
المشكلة ان فى معارض سيارات عندها سياسية انها تبيع البنك مش تبيع السيارة لان البنك بيديها عمولات تفوق عمولة السيارة وعشان كده تلاقى افراد مبيعات كتير ليس على دراية بالسيارات او مواصفاتها

رد: احكى تجربتك مع تجار السيارات
 

ارجوا توضيح يعنى اية تبيع البنك مش تبيع السيارة

رد: احكى تجربتك مع تجار السيارات
 

بمعنى بسيط يا أ سيف انه لو بنك بيدى البائع والشركة عمولة اكثر فهو الرابح وهو الذى يحاول البائع بقدر المستطاع تحويل العميل اليه بدون النظر الى مصلحة العميل فى اذا ماكان هناك فائدة اقل فى بنك اخر او خلافه
بمعنى اخر لو انت داخل تشترى سيارة نقدا بيحاول معاك البائع بانه افيد ليك انك تعمل وديعة وتاخدها تقسيط
مش مهم انت داخل تشترى ايه او تتفرج على ايه ولكن مهم انت تاخد من بنك ايه
هذه وجهة نظرى من خلال تجاربى وعملى بهذا السوق العجيب

رد: احكى تجربتك مع تجار السيارات
 

غريب ان حضرتك فى مجال بيع السيارت وتقول الكلام دة بس اعتقد علشان طبيعة عملك مع بنك محدودة شوية
بس احب اوضح لك شى اغلب البنوك عمولتها وحدة فى بيع السيارة وبقول اغلب البنوك ومن مصلحة اى معرض انة يخلص اجرائات العميل بسرعة وهو بيكون اكثر دراية بالبنك ال فى الفترة دة بينجز اجرائاتة علشان عامل السيولة مع البنك
اما بخصوص الوديعة فاعتقد انها افيد لكثير من العملاء
ومتنساش انى فى فكل بنك برامج كثيرة وبتعتمد انها تسوق برمجها زى اى وكيل لما بيكون عايز يسوق عربياتة افضل من عربيات غيرة صح
شكل الموضوع دة هيكون حوار بين تجار مش تجارب افراد مع تجار
وانا سعيد لنقاش معا