مصر موتورز مجتمع السيارات - صاحبى قرر يشترى جاك بى 15 ممكن مساعدة؟

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - صاحبى قرر يشترى جاك بى 15 ممكن مساعدة؟ (https://www.masrmotors.com/vb/showthread.php?t=41515)

رد: صاحبى قرر يشترى جاك بى 15 ممكن مساعدة؟

الاخ تيمو قام بالمهمة عنى الف شكر لية

رد: صاحبى قرر يشترى جاك بى 15 ممكن مساعدة؟

اقتباس:

المشاركة الأصلية كتبت بواسطة bam8572 (المشاركة 301896)

بسم الله الرحمن الرحيم

السلام عليكم ورحمة الله وبركاته

==

شباب المرة دى جايلكم فى حاجة مينفعش تتأجل

دلوقتى صاحب أمنى اكتب الموضوع دا لإنو ناوى يجيب جاك بى 15 وهو لسا شاب زينا ياجماعة والمبلغ الى هيندفع مش شوية والمبلغ الى هو نفسه هسيتلفه مش شوية بردو

بس هو متردد شويتين لإنه فكر فى الاسبرانزا وقال انها توكيل قوى وسعر جيد

كمان فكر فى الفيرنا

لاكن لما شاف الجاك انهبل بجمالها

ياريت ياجماعة ودى اهم حاجة فى العربية

صور من تصويركم يعنى مش من كتالوج او من النت يكون واحد مصور عربيته او عربية كان بيشوفها فى التوكيل ولاحاجة

وياريت تجربتكم وكلامكم بكل امانة

أهم طلب

ابرز عيوب السيارة ؟.؟

اتزان السيارة الى اى سرعة ؟

صالون السيارة كيف حالة ؟

خامات التقفيل ايه نظامها ؟

التوكيل ؟؟

الأخ العزيز --وانا ايضا شارى السياره من شهر 6-2010 وهى لونها فضى وقبل ان انقل ملاحظاتى او اتحدث عن العربيه احب ان اوضح لحضرتك اننى عارض العربيه للبيع وسبب البيع هو اننى بفكر اشترى سياره جاك ايجل (وهى سياره جيب وسعرها حوالى 140الف جنيه وهى جميله جدا ولاتقل جمال عن السياره بى كلاس) لذلك احب ان اعرف سيادتك ان السياره جاك بى كلاس هى بلفعل جميله من حيث الشكل وذلك كما اوضح لحضرتك الأخ اودا بأن المصمم هو ايطالى---ومن حيث استجابة السياره للسرعة فهى بلفعل ذات استجابه عاليه وذلك بفضل موتورها المتسوبيشى 1500 سى سى انا جريت بيها حتى سرعة 160 كيلو ساعه العربيه ثابته جدا جدا واجمل مافى الموضوع (السرعه العاليه)ان البور الخاص بلعربيه مش خفيف يعنى زياده فى الأمان والثبات ---العفشه جيده جدا وهى مثل عفشة الكروز بلضبط والفولكس بورا والجيتا يعنى لاهى ناشفه ولاهى ناعمه وده راجع لطريقة قيادتك --مش عارف اقول ايه تانى ولكن بأمانه العربيه فى مجملها تاخد 7من عشره لانه لاتوجد سياره تأخذ عشره من عشره لأن الكمال لله وحده معلش عايز اقول ان استهلاك البنزين مناسب جدا جدا00 ودى صور لعربيتى وانا من سكان بورفؤاد ببورسعيد وسوف اوافيك بعدد اخر من الصور ---والله الموفق فيما انت مقدم عليه--- اخيك ايمن

رد: صاحبى قرر يشترى جاك بى 15 ممكن مساعدة؟

الأخ الفاضل --bam8512 --تحياتى لحضرتك --مره اخرى سوف احاول ان ارفع لك بعض من صور سيارتى من الداخل --وارجوا ان اكون موفق فى تلبية طلبكم --وشكرا

رد: صاحبى قرر يشترى جاك بى 15 ممكن مساعدة؟

اخى العزيز : اولا ربنا يوفقك ويوفق صاحبك وان شاء الله يرزقه بالعربيه اللى تسعده ويكفيه شر طريقها .
بالنسبه للعربيه احب اطمنك انى احدث مالك تقريبا لها هنا . وهى عامله معايا 1615 كم بالظبط . و 80% من المسافه دى على طرق السفر . لغاية 130 سرعه انا مش باحس بيها . وطبعا فى ناس تانيه زى اخونا ايمن جربها لغاية 160 . بس العربيه عامة حاتلاقيها ثابته جدا لأنها تقيله . وصاجها محمل وتقيل . وتقدر تقارن فى النقطه دى لما ترفع كبوت الموتور .
انا كنت فى مقابلة المنتدى اللى حصلت فى دريم لاند . واخواننا اللى شافوا العربيه اعجبهم جدا وسع الصالون مع وسع الشنطه ومن ملاك الأوكتافيا نفسهم اشادوا بالنقطه دى وانها مش متوفره عندهم فى عربياتهم .
وكمان التشطيب . حاتلاقى غاط للكبوت والشنطه من الداخل . والصالون خاماته ممتازه . وطبعا حانلاحظ هنا ان العربيه زى ما هى مش رخيصه فهى برضو مش غاليه يعنى ما وصلتش حتى لسعر الكورى .
دى كل ملاحظاتى عن عربيتى . وربنا يوفقكم وتلاقوا ما يسعدكم .

رد: صاحبى قرر يشترى جاك بى 15 ممكن مساعدة؟

جزيل الشكر لحضراتكم جميعاً كفيتو واوفيتو وانا ابتديت افكر فى العربية الحقيقة ويمكن ربنا يكرم وينضم لملاك الجاك 2 جدد انا وصاحبى ان شاء الله

بس ليا نقطة بسيطة

معظم اللى رد ذكر مميزات ودا شئ ممتاز جداً

ماهى ابرز العيوب الى ظهرت فى العربية؟

كيف حال التوكيل اين يوجد من حيث المحافظات والمدن ؟

السعر الحالى للسيارة ؟؟ وهل مو 2010 ولا 2011 ؟

ومشكورين مقدماً ولكم جزيل الشكر عن مابذلتوه بالردود السابقة