رد: سؤال عاوز اطرحة من زمان وياريت الناس ترد علية بأمانة
 

اشكر استاذ hm وفادى باشا على الكلام الجميل و طبعا كلامك جامد يااستاذ فادى عن تاريخ فيات وبشكرك على المعلومات الجامدة دى بجد بس بردة انا بحب اوى الفيات القديم وملحظة ( تكنولوجيا بتواكب العصر حاليا) ودى حاجة الواحد يستغرب جيدا منها عربية موديل 80 ممكن تسابق عربيية موديل2010 و طبعا مع تعديل مواتير وبجد هى من احدا الشركات الى عملت موضوع التيونج وتسقيط المواتير و تظبيط فى اى وقت ودة كفاية متعة كبييرة لى اى اشخص ان يكون عربيتة قديمة و يطلع من اى عربيية جديدة وبفروق كبييرة دى بحد ذاتها متعة كبييرة ونجاح فعلا شركة زى فيات بجد حاجة جميلة اوى وانا شايف لولا الموديلات القديمة الى لغايت دلوقتى موجودة وبتواكب العصر مهما التكنولوجيا اتقدمت هى موجودة بردة وبتدى اكتر من الاداء الغير عادى مكنش فيات محبوبة لغايت دلوقتى وايضا الجيل الجديد من فيات

رد: سؤال عاوز اطرحة من زمان وياريت الناس ترد علية بأمانة
 

اؤيد كلام فادى كبير الفياتاوية بشدة

و اعتقد ان فيات ستظل كما هى تصنع سيارات ممتعة فى قيادتها بتصميمات ايطالية سباقة و تكنولوجيا متطورة و مواتير عصبية جدا + الأمان و العملانية

شوف يا باشا: فيات منزلة 4 عربيات فقط فى مصر: 500, بونتو, لينيا و برافو
الأربع عربيات بيمشوا فى الشارع يلفتوا انظار الناس بشدة (و احيانا بيللوحوا الرقبة)

ساعد على كده امتلاء الشارع بأشباه السيارات او المسوخ الأسيوية

رد: سؤال عاوز اطرحة من زمان وياريت الناس ترد علية بأمانة
 

انا رأيي المتواضع ان اللي بتتكلم عليه حالة في مصر بس لان زمان فيات كانت مشروع قومي مصانع شركة النصر تعمل بكامل طاقتها على تصنيع سياره مصريه (نصر) و ذلك بتجميع سيارات فيات الايطاليه و ده اللي ادى الى انتشارها بالصوره اللي بتتكلم عنها في مصر بالاضافه طبعا الى ان فيات اساسا متخصصه لسيارات المدينه بمحركات صغيره و موفره و انتشارها هو اللي ادى الى توافر و رخص قطع غيارها ( كله تقليد حاليا و غالبا كله صيني) و توافر قطع غيارها و رخصه ادى الى انتشارها اكثر !!!! بس فعلا مكانتش عربيات متينه زي ما في ناس فاكره و كلنا عارفين مدى بشاعه و سوء ميكانيكا القرده و مدى ضعف شاسيه ال 128 و مدى سرعة تاكل صاج كارتيرات ال 127 و مشاكل عفشة ال 132 التي تصعب حلها و اعطال كورونة ال 131 المستمر و ارتفاع اسعارها!

نيجي للحديث من فيات : العربيه دي عربيه ناجحة بكل المقاييس بس التوكيل اثبت فشله برضه بكل المقاييس لانك لما تفكر تدخل عربية سمعتها سابقاها زي فيات بتوافر قطع غيارها و رخص ثمنها اعتقد ان الحل الامثل ليه انه كان يأجر مصانع شركة النصر و يتعاقد على شراء خطوط تجميع لعربيه رخيصه من فيات زي البونتو كلاسيك مثلا مع دعاية ممتازه و مستمره و يغرق محلات الايطالي المتوفره اساسا في كل شارع وحارة بقطع غيار ليها الاصلي او تصنيع اوروبي (و بالتبعية التجار حيعملوا تقليد ليها في الصين و يبيعوه بربع التمن ) و كل حاجتها حتبقى متوفره اصلي و تقليد زي الكوري و يرجع سمعة فيات تاني لان الناس حتفهم ان فيات اتطورت و باقت تستاهل كل جنيه يندفع فيها و شوية شويه يدخل خطوط انتاج جديده او يستورد عربيات زي برافو و 500 بجوار الحصان الرابح اللي حيعتمد عليه و هو البونتو! هي دي الحاجه الوحيدة اللي ممكن فيات الجديد ينجح فيه بالذات لأن علاقة مصر بفيات غير علاقتها بأي ماركه اخرى تفتح توكيل و تشتري كام عربيه من كل موديل و تبيعهم

رد: سؤال عاوز اطرحة من زمان وياريت الناس ترد علية بأمانة
 

رد: سؤال عاوز اطرحة من زمان وياريت الناس ترد علية بأمانة
 

فيات كمجموعه تعتبر كيان قوي جدا فيات - لانسيا - الفاروميو - مازيراتي - فيراري
ده غير انها بتقدم في محركاتها تقنيه متجدده دائما تسبق بها الاخرين
من اول ال 128 اول عربيه دفع امامي بمحرك امامي مستعرض و حتى محرك المالتي اير المتوقع نزوله في البونتو ايفو
تعتبر افضل صانع محركات في العالم ... وده الطبيعي من الشركه الوحيده اللي شاركت في كل سباقات الفورميلا واحد منذ بدايتها واكبر حاصد للالقاب فيها كصانعين او سائقين
السياره الوحيده التي حصدت بطوله العالم للراليات 6 مرات متتاليه لانسيا
اجمل تصميم سيارات الفا روميو لدرجه ان ال 8 سي حصدت الجائزه سنتين متتاليتين
اول من قدم فئه ال MPV بالسياره مالتيبلا وموديلات كتيره جدا نالت لقب سياره العام
ففيات بلا شك شركه ناجحه كانت و ما زالت .. لكن على صعيد التقنيه و التصاميم فقط
لكن للاسف تجاريا ... فاشله
فيات لا تعرف كيف تسوق نفسها ...
فساد داخلي حتى وقت قريب
شراكه غريبه مع جنرال موتورز .. ومتعلمتش الدرس و راجعه تشارك كرايسلر او بمعنى اصح تنتشلها من الافلاس علشان كرايسلر ترجعها تاني لزمن المشاكل !!!

حتى في الفورميلا وان بيخسروا بسبب اخطاء استراتيجيه ساذجه !!




محليا ...
فيات زمان غير فيات النهارده
لسبب بسيط جدا ان فتره شركه النصر ولحد التمانينات كان الاستيراد محدود جدا و مصر عربياتها كانت عباره عن مرسيدس و بيجو و فيات
فكان طبيعي تنتشر انتشار النار في الهشيم حتى لو كانت موديلاتها فاشله و ابسط مثال الفيات ريتمو اللي اختفت تماما حاليا لكنها كانت مغرقه مصر في التمانينات وحتى بدايه التسعينات
فانتشار فيات في مصر زمان كان مرتبط بالحاله السياسيه و الاقتصاديه لدرجه ان الناس كانت بتحجز ال 127 و تستنى شهور علشان تستلمها !!

الوقت الحالي للاسف المشكله مش بس في فيات
المشكله كمان في طبيعه السوق اللي اتغيرت
اي عربيه في مصر علشان تنتشر وتحقق مبيعات لازم يتوفر منها موديلات استيراد خارج الوكلاء او خليجي زي ما بنقول
وبالتالي اغلب العربيات المنتشره هي الاسيوي ( هيونداي - تويوتا - ميتسوبيشي - ... )
وحتى الاوروبي حنلاقي اكترهم انتشارا هم الجيتا و الاوكتافيا والباسات .. ودول برضو متوافر منهم الخليجي
لكن فيات للاسف زيها زي سيتروين - رينو - وجودهم نادر في الخليج و بالتالي انتشارهم و مبيعاتهم في مصر ضعيفه جدا ... وتواجدهم الوحيد عن طريق الوكيل
وللاسف برضو فيات معندهاش توكيل قوي ... واسباب تواجدها قوه وجمال موديلاتها سواء البرافو او البونتو او اللينيا .. ده غير موديلات كتيره جدا مش موجوده
يعني مثلا مثلا السوزوكي SX4 هي الفيات سديسي ..تعاون مشترك وتصميم واحد
لكن في حين ان سوزوكي برغم قله مبيعاتها في مصر المنحصره في الفيتارا و الماروتي باعت من ال SX4
طيب ليه الفيات سديسي مباعتش ولا سمعنا عنها مع انها تصميم مشترك ... ومواتير فيات اجدع
لسبب وحيد ... فشل فيات التسويقي :(

انا نفسي كارلوس غصن يمسك فيات