مصر موتورز مجتمع السيارات - نتشه عند كل نقله

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - نتشه عند كل نقله (https://www.masrmotors.com/vb/showthread.php?t=41306)

رد: نتشه عند كل نقله

اولا ياريت الرد كان امبارح لان بعد اسئله حضرتك روحت كشفت على العربيه فى مركز بجوار منزلى (قاعة سيد درويش) الهرم كنت عرفت اجاوب على الاسئله دى كويس لكن الاتى:
حساس الشكمان كان مفصول ووصله وجرب العربيه معايا والنتشه خفت كتير
الرشاشات قالى انها عايز تتغير
سألت عن قوه الماتور قالى الجهاز مايقيس كبس الماتور ولكنه خفيف شويه
ودفعت 60جنيه ومشيت .

ملحوظه يعنى ايه يحصل لما يكون الماتور خفيف شويه ودا يتغير ولا يتصلح احسن هو قال ان يتصلح بحجات خفيفه !!!

اقتباس:

يفضل عمل أختبار شراره للتأكد من آداء دورة الأشعال لدورها الطبيعى
يفضل عمل أختبار كبس لكفاءة غرف حريق المحرك لأن ده رقم مش صغير
مع المتابعه الجيده لدورة التزييت بمتابعة مقاس الزيت ومعرفة هل الزيت بيقل ولا لا

والحاجات دى اقدر اعملها ازى وانا ولازم متخصص

اقتباس:

وياريت نكشف تانى على البوجيهات لمعرفة هل بتهبب ولا لا ( من أجل الأطمئنان على رشاشات المكنه ....لأنها ممكن تكون بتسيل بنزين وده يعمل نتشات مصحوبه بساحبات سوداء مع ضغطك على دواسة البنزين )

فعلا الرشاشات سيئه ودى اعمل فيها ايه

اقتباس:

وكنصيحه بوجه عام أنصح بتغيير سلوك البوجيهات وتغيير سير الكاتينه ومكونات الكاتينه ( شداد وبكره وطلمبة مياه )

طيب انا اعمل الحاجات دى فعلا ودى حتكون مكلفه

رد: نتشه عند كل نقله

اقتباس:

اولا ياريت الرد كان امبارح لان بعد اسئله حضرتك روحت كشفت على العربيه فى مركز بجوار منزلى (قاعة سيد درويش) الهرم كنت عرفت اجاوب على الاسئله دى كويس لكن الاتى:

بالفعل أنا رادد على سعاتك أمبارح

وشوف تاريخ مشاركاتى بالثانيه

اقتباس:

حساس الشكمان كان مفصول ووصله وجرب العربيه معايا والنتشه خفت كتير
الرشاشات قالى انها عايز تتغير

طيب هو عرف منين أن الرشاشات محتاجه تتغير

لازم يكون لديه دليل مادى

اقتباس:

ملحوظه يعنى ايه يحصل لما يكون الماتور خفيف شويه ودا يتغير ولا يتصلح احسن هو قال ان يتصلح بحجات خفيفه !!!

الموتور الخفيف وسليم من الداخل

بيتعمله طقم شنبر وروديه

وبيرجع زى حالة الزيرو تقريبا

اقتباس:

والحاجات دى اقدر اعملها ازى وانا ولازم متخصص

يفضل متخصص عنده ضمير

يعمل أختبار للشراره من عند البوبينا مره ومن عند البوجيهات مره لتحديد حالة

البوبينا وكابلات البوجيهات

وبالنسبه لوضع الزيت

فده بيعرفه مالك السياره العادى من خلال متابعة قياس الزيت

الزيت بيقل والمكنه بدخن دخنه سوداء مائله للزرقه مع تزويد البنزين الشديد

وفى حالتك ( كيلووات كتير )

يفضل الأسراع بأجراء طقم شنبر وروديه لوش السلندر

حفاظا على البقيه الباقيه من المكنه

_______________

حنفترض واحد تعبان

يعالج نفسه ولا يسيب نفسه لحد مايموت

نفس القصه بالضبط

فالشنبر والروديه علاج فعال للمكنه التعبانه

اقتباس:

طيب انا اعمل الحاجات دى فعلا ودى حتكون مكلفه

فى الدايو والنوبيرا أو لانوس

الحاجات دى مش مكلفه كتير زى السيارات اليابانى أو الألمانى أو الأوروبى بشكل عام

تقريبا 1000 ج

يروقوا المكنه

ويرجعولها حالتها الصحيه على أفضل وجه

رد: نتشه عند كل نقله

اقتباس:

طيب هو عرف منين أن الرشاشات محتاجه تتغير
لازم يكون لديه دليل مادى

مركب جهازمكتوب عليه(X431) معرفش اكتر من كده انا افتكرت ان الجهاز هو البيقول

اقتباس:

الموتور الخفيف وسليم من الداخل
بيتعمله طقم شنبر وروديه

ونعرف منين انه سليم من الداخل

اقتباس:

يفضل متخصص عنده ضمير
يعمل أختبار للشراره من عند البوبينا مره ومن عند البوجيهات مره لتحديد حالة
البوبينا وكابلات البوجيهات

مفيش حد عنده ضمير والمركز ال كنت موجود فيه امباح انا وصفت له كل حاجه ليه معملش ال حضرتك بقول عليه

اقتباس:

وبالنسبه لوضع الزيت
فده بيعرفه مالك السياره العادى من خلال متابعة قياس الزيت الزيت بيقل والمكنه بدخن دخنه سوداء مائله للزرقه مع تزويد البنزين الشديد وفى حالتك ( كيلووات كتير )

فعلا اكتشف انه بيقل ولكن اعمل ايه علشان ابطى الموضوع ده لحد لما اشف حل

اقتباس:

يفضل الأسراع بأجراء طقم شنبر وروديه لوش السلندر
فالشنبر والروديه علاج فعال للمكنه التعبانه
تقريبا 1000 ج

والموضوع ده مضمون ولا انا ونصيبى
ودى كده تبقى العمرة
وانا سمعت ان مفيش عمره للنوبيرا دا اصله ايه
ولا اشتر واحد جديد احسن

مش عارف اشكرك ازى
شكرا

رد: نتشه عند كل نقله

اقتباس:

ونعرف منين انه سليم من الداخل

لو كان بياكل زيت

ومع كل كبسة بنزين تلاقى دخان مائل للزرقه بيطلع زى عربية الرش من الشكمان

اقتباس:

مفيش حد عنده ضمير والمركز ال كنت موجود فيه امباح انا وصفت له كل حاجه ليه معملش ال حضرتك بقول عليه

مش عارف

المفروض أى ميكانيكى بيفهم يختبر قوة الشراره من الجانبين

ويشوفها بنفس القوه على الأربع نقاط ولالا

اقتباس:

فعلا اكتشف انه بيقل ولكن اعمل ايه علشان ابطى الموضوع ده لحد لما اشف حل

تابعه بدقه

وكل مايحتاج تزويد زوده ( من نفس النوع )

وممكن تحاول تستعمل زيت شنبر

للحد من عملية التفويت

على ماتغير شنبر وتعمل روديه

اقتباس:

والموضوع ده مضمون ولا انا ونصيبى

كل ماتبدر بيه أفضل لعدم تفاقم الحاله

طبعا حيتبص على غرف الحريق من الداخل

ويتكشف على ركب عمود الكرنك والسبايك

أهم شىء فى القصه كلها

أنك تلاقى الكرنك سليم ونفس الوضع بالنسبه لغرف الحريق

لقيت الغرف وحشه ومريجه ( مجرحه من جوه )

يبقى وجب تغيير الموتور كله

لما تنوى طبعا

اقتباس:

ودى كده تبقى العمرة

نعم

اقتباس:

وانا سمعت ان مفيش عمره للنوبيرا دا اصله ايه

ليس كل مايسمع ويقال صحيح

اقتباس:

ولا اشتر واحد جديد احسن

بعد الكشف تقدر تقرر

وطبعا حيكون أستيراد مش جديد

المواتير الجديده غاليه جدا

وصعب تلاقيها

وأى خدمه لو أحتجت أستفسارات أخرى

رد: نتشه عند كل نقله

اقتباس:

المفروض أى ميكانيكى بيفهم يختبر قوة الشراره من الجانبين ويشوفها بنفس القوه على الأربع نقاط ولالا
على ماتغير شنبر وتعمل روديه

تقدر ترشح لى حد يعمل الموضوع ده من غير ما اقله يعمل ايه وبالاصح اسلمه رقبتى

اقتباس:

بعد الكشف تقدر تقرر
وطبعا حيكون أستيراد مش جديد

حضرتك كده رتبت افكارى الكشف عليه الاول لونفع عمر اعملها لومنفعش اشترى استيراد

الحمد الله ثم الشكــــر ليك جدا ولله يكرمك ويبعد عنك الأذى فى الدنيا والاخرة