مصر موتورز مجتمع السيارات - الملف مش عايز ييجي من مصر ...... ارجو المساعده

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - الملف مش عايز ييجي من مصر ...... ارجو المساعده (https://www.masrmotors.com/vb/showthread.php?t=41020)

رد: الملف مش عايز ييجي من مصر ...... ارجو المساعده

اللى اعرفه ان موضوع نقل الملفات ده اتلغى لأنك بتروح المرور الجديد و يعملك ملف جديد برقم العربيه الجديد اللى هاتستلمه و شكرا و لما ييجى الملف القديم بيحطوه فى الملف الجديد و خلاص و ده اللى حصل معايا و انا بنقل من الأسكندريه للقاهره و فى خلال اسبوعين ان شاء الله هابتدى اعمل اجراءات النقل من القاهره للأسكندريه تانى و ربنا يستر

رد: الملف مش عايز ييجي من مصر ...... ارجو المساعده

اقتباس:

المشاركة الأصلية كتبت بواسطة sh_masry (المشاركة 298378)

شريف باشا واحشني موووووت
اخبارك و كل عام و انتم بخير
هو انت غيرت العربيه؟؟؟

رد: الملف مش عايز ييجي من مصر ...... ارجو المساعده

يا باشا روح المرور بنفسك و شد عليهم بس مش خناقة و ظبط الموظف بحيث يحركلك الملف بسرعة و لو تعرف حد مسؤول في المرور هيحركلك الملف من غير ما تدفع ولا حاجة

رد: الملف مش عايز ييجي من مصر ...... ارجو المساعده

اقتباس:

المشاركة الأصلية كتبت بواسطة mercedes (المشاركة 298339)

ROSE4Uالسلام عليكم و رحمة الله و بركاتهROSE4U

أنا من 8 سنين , كان حصل معايا الموضوع ده , كنت شارى عربية شاهين من السوق و كانت تبع مرور مدينة نصر ( رابعة العدوية ) و أنا أصلا تبع مرور المنصورة, قعدت بتاع 6 شهور آخد تجديد 3 شهور فى 3 شهور و حاجة تقرف بسبب مشوار المرور , فالموظف اللى فى الشباك فى ساعة رواقة , قاللى , روح مرور رابعة العدوية و ماتمشيش الا لما تصدر الملف من هناك و أنا بعدها قمت مشمع الفتلة و روحت مرور رابعة العدوية و ده بصراحة أنضف مرور شوفته فيكى يا مصر , المهم دخلت على الست و قولتلها , أن العربية دى ملفها ماجاش لحاااااااااااااااااااااد دلوقتى الى المنصورة , قالتلى , هات رقم العربية و دخلت جابتلى ملف كده , حروفه محروقة لأن -على كلامهما- كان حصل حريق فى الأرشيف -كلمة دايما بيقولوها لما يكونوا عاوزين يدخلوا ملفات لعربيات مالهاش ملفات- المهم, اديتها 20 جنيه عشان تجيبله دوسيه جديد و تصدره المنصورة و اداتنى بالفعل رقم الصادر و تاريخه و بعدها بأسبوعين , روحت مرور المنصورة و سألت عالرقم ده و لقيته وصل فعلا لأن موظف المرور بيدور على الرقم بتاع الصادر فى دفتر عنده أسهل مايدور على الملفات باسم صاحبها أو برقم اللوحات .

أنا رأيى أنك تروح مرور الدقى و ماتمشيش الا لما الملف يتصدر أودامك و تاخد معاك رقم الصادر و تاريخه و بعدها بشهر روح المرور اللى أنت تبعه, اسأل على الملف و ادى 10 جنيه للموظف و ممكن كالعادة هيقولك لسه ماوصلش عشان يريح نفسه, قوله, الملف اتصدر من مرور الدقى يوم كده -اللى هو من شهر- برقم كدا .

MERCEDES E230

الف شكر يا باشا عالنصيحه
ناس كتير فعلا نصحتني اعمل كدا بالضبط
انشاء الله اروح الدقي قريب

رد: الملف مش عايز ييجي من مصر ...... ارجو المساعده

اقتباس:

المشاركة الأصلية كتبت بواسطة sh_masry (المشاركة 298378)

ماتلاغاش ولا حاجه هو بيعملك ملف جديد آه
لكن مش هيديلك الرخصه غير لما اصل الملف ييجي من القاهره