رد: يا أهل الخبرة ،،،،، افتوني
 

بالتوفيق.............

رد: يا أهل الخبرة ،،،،، افتوني
 

م / سمير

السلام عليكم و رحمة الله و بركاته

لقد قمت بالامس بفضل الله و توجيهات سيادتكم بعمل الاتي :-
1- فكيت فبرة الموتور و اتضح انها ليها كلبسين بتبات كبس فيهم من الخلف و بتبقي ممسوكة مع فبر فلتر الهواء و الكاوتشة بتاعة البوابة

2- لقيت البوابة مش نظيفة و رشيتها زي تعليمات سيادتكم باسبراي كربراتير و بعده بـ WD40 و كمان عملت نفس القصة مع حاجة كده (استنتجت انها بالف الايديال) و فكيتها و الفيشة راكبة فيها و بختها بالاسبراي و كمان بخيت علي الفتحة اللي بتركب فيها ،،، عموما انا علمت عليها باللون الاصفر رقم 2 علشان سيادتك تشوفها و تقوللي هل هيه دي المطلوب ولا دي حساس المنافول ؟؟؟


المهم النتيجة ان من بعد ذلك السلانسية اتعدل علي الاخر (فضلت مدور ييجي نصف ساعة و اخذت بيها لفة كده تقريبا 10 كم )

و لكنني لا زلت الاحظ وجود تنتيشة في الاول ،، و دي كانت موجودة اصلا من قبل كده و مش عارف اعمل معاها ايه بالضبط ،،، هل ذلك بسبب ان دواسة البنزين كهرباء و انا مش واخد علي كده و مش عارف اظبط رجلي عليها ؟؟ و لا فيها عيب ؟؟؟ يا تري بأيك ايه في الموضوع ده ؟؟؟؟

عموما انا التقطت بعض الصور بالامس و ارفقتها بالمشاركة علشان حضرتك تشوفهم و حتي تعم الفائدة علي الجميع .

رد: يا أهل الخبرة ،،،،، افتوني
 

رقم 1 ...............دى البوابه فعلا ومقفوله بالقرص بتاعها

بس ليه أنا حاسس أن القرص بتاع البوابه مكفى لفوق سنه

يعنى من تحت مرفوع ومن فوق داخل لجوه سنه

فهل بعد النظافه .........بأت منوره ولا لا

ورقم 2 تقريبا بلف الأيدل زى مابتقول ( طالما راكب على البوابه وليه فتحه أو أكتر من تحت

لأن أنا شايف ال tps

راكب على البوابه من فوق ( على نهاية الأكس العلويه )

طبعا أنا بأكلمك حسب وضع الصوره

رد: يا أهل الخبرة ،،،،، افتوني
 

شكرا لسيادتك يا باشمهندس

يا تري ايه رأي سعادتك في موضوع التنتيشة اللي بتظهر علي الغيار الاول ،، بالتحديد عند رفع اخر سنتيمتر من الدبرياج و بداية دوس البنزين ،، و ساعات قليلة ما بتحصلش و بتبقي كويسة ،،، و كمان ساعات بحس ان الشفاط بيشتغل و العربية وهيه باردة بتبدأ من RPM كويس (1000 - 1200 لفة) و ساعات برضه و هيه باردة تبدأ من 800 بس و ده عدد اللفات العادية للموتور وهوه سخن

رد: يا أهل الخبرة ،،،،، افتوني
 

غالبا لسه أنت مأخدتش على تلقيط المكنه صح أثناء ترك الدبرياج

وهو ده سبب النتشه

على فكره مفيش نظام الشفاط فى الحقن الألكترونى

وكده سلوك فترة الأحماء بعد الدواره صح ( فى الظروف دى )

هو ده بأه إللى مش حلو

فهل بيحصل الكلام ده كتير ولا لا

لأن كده ممكن نلاقى سبب آخر للنتشه ومفيش مشكله عندك فى حساسية التعامل مع

الدبرياج

وهى عربيتك ولا عربية صديقك ........?

قول ماتخبيش

ROSE4U