رد: honda cbr 250r
 

اه بس الفرق في الجديد الشكل طبعا دي اول حاجه وكمان اعتقد ان حيكون فيها تكنو زي الجديد وقطع الغيار حتكون موجوده وسهله بصراحه انا واحد من الناس لو فعلا نزلت مصر وبالسعر ده كا مبتدئ حفكر فيها بشكل جدي علي الاقل حتكون ضامن انها جديده بجد بعيد عن اللعب الي موجود في السوق

رد: honda cbr 250r
 

اللعب اللي موجود في السوق ده سهل اكتشافه للمتمرسين واصحاب الخبره والوسطاء يمتنعون
يعني انا بصراحه ماشي بمبدا الحاجه اللقطه وبدل ما اادفع كذا ازود عليهم كذا عشان اركب حاجه كويسه لكن انتا مجرد ما تركب حاجه زي 250 بعد فتره قليله جدا هتبدا تحس انها اد ايه علي ادها لما يعدي من جمبك 600 او 900 او 1000 بعيد عن الامكانيات الماديه لازم يبقي في طموح وسعي ورا الطموح ده عشان نقدر نحققه لان مشوار الالف ميل بيبدا بخطوه
انا مش بكسر مقاديف حد بس انا بوضحلك الصوره اللي انتا هتبقي فيها اول ما تركب ان شاء الله فا لازم كلنا نسعي ورا حلمنا ونخليه في خانه الاولويه
اهم حاجه في حياتنا لازم تعرف انتا عايز ايه وازاي تقدر توصل للحلم ده لان اللي معاه ماتور عالي اكيد مش الكل اهاليهم اللي دفعوا بالعكس كتير مننا شقيوا جامد وانا واحد من الناس دي عشان تركب حاجه عليها القيمه وحاجه مش هينه
الكل لازم يحارب في مجاله
وربنا يوفق الجميع

رد: honda cbr 250r
 

انا معاك في الكلام الي بتقولو طبعا الواحد لازم يحط قدامه هدف وهدف كبييـــــــــــــــــــــ ـــــــــــر كمان علشان لما يوصل علي الاقل ل نصه يحس انو انجز حاجه برضو وطبعا احننا سننا كبير يعني بشكل او باخر موضوع الاعتماد علي الاهل ده اذا مكنش انتها اكيد حيكون في حدود
بس موضوع ال 250 ده علي حسب توجيهات الناس الي بتركب وانت واحد منها الناس الجدعان بصراحه ومبتبخلش علي حد بمعلومه او خدمه
بس دي مكنه حلوه كا بدايه علشان يتعلم عليها وده حيكون فتره حتي الاتقان يعني
دايه ياترىبس بيني وبينك انا موافقك وانشاء الله انا من محبي ال 600 متوسط لا زي ال1000 ولا الاقل من كده
فا لو توفرت الامكانات حبتدي بيها

رد: honda cbr 250r
 

كلامك مظبوط بس انا ليه راي لان كلنا شغالين وبنعمل فلوس خاصه بالواحد انما الاهل مش شرط اللي يجيبوا كل شيء.. وحتي لو ساعد مش هيساعد عشان تشتري مثلا جولد وينج .؟ يساعدوا بس الاول عشان ابنهم غاوي موتسكلات يركب حاجه بطيئه وهاديه ومش غاليه اما دورك انت بعد كده في حاله وجود طموح لحاجه معينه زي كلام هشام عشان تركب حاجه عاليه لازم توفر وتحوش ومعاك البايك بتاعك والله ظهر بايك اعلي ولقطه ومرخص . اغير وهكزا..لان بيتهيقلي عشان يبقي معايا فلوس الجولد وينج مش هشتريها غير لما اطلع سلمه الس سي واحده واحده .
اسف للاطاله.