رد: فيتيل بطل العالم 2010 (أصغر بطل عالم فى التاريخ)
 

أعتقد إن فيتيل عنده كل مقومات البطل الكبير و لو قدر يشارك فى السياقات لمدة 15 سنة كمان زى شوماخر ممكن يبقى أسطورة أخرى ، و فيتيل مظهرش فجأة و ما بقاش بطل فجأة لكن و من هو سائق غلبان فى فريق توروروسو كان باين إنه سائق متميز و ممكن يجى منه

عموما قدامه 81 سباق يفوز بيه و 6 بطولات عالم علشان يبقى أسطورة زى شوماخر
لكن إللى صعب يوصله هو شعبية إيرتون سينا
سينا كان عامل زى لعيبة الكورة الشراب الحريفة بس فى السواقة
يعنى بيعمل كل حاجة تخلى الجمهور يحبه و يشجعة و دى حاجة غير اﻹعجاب أو اﻹحترام فقط

رد: فيتيل بطل العالم 2010 (أصغر بطل عالم فى التاريخ)
 

انا برضو مع رأيك يا حازم باشا (مش التاني ... التاني .. اللي انا اقصده .. :)
فيتيل قدامه فرصه كبيره يحقق انجازات وبطولات ويحطم ارقام
لكن حب الناس مش بالارقام و الانجازات
هو ممكن شعبيته تبقى اكبر من مواطنه شوماخر ... خصوصا انه بيبي فيس وخفيف شويه عن شوماخر
لكن ايرتون سينا ... معتقدش في حد حيبقى زيه .. على الاقل من الجيل ده

رد: فيتيل بطل العالم 2010 (أصغر بطل عالم فى التاريخ)
 

يا جماعه انتو بتتكلمو فايه
مهما كانت شعبية الأبطال دول عمرها ما هتيجى حاجه جنب شعبيتى

رد: فيتيل بطل العالم 2010 (أصغر بطل عالم فى التاريخ)
 

الف شكر يا باشا على التقرير الوافى ..

يا ترى امتى هنلاقى مصر داخله فى سباقات الفورميلا ؟!!

رد: فيتيل بطل العالم 2010 (أصغر بطل عالم فى التاريخ)
 

هى هئ هئ هئ .......... على يدى و يشهد على كدة جماهير Multi Option



العفو يا جميل

بس صعب قوى ﻹن مصر حتى لسه ما عرفتش تعمل عربية عادية فما بالك بأخر ما وصل إليه التطور التكنولوجى
أما على مستوى السائقين فحتى البحرين و قطر و اﻹمارات لسه مش قادرين يقدموا سائق فى الفورميلا رغم كل اﻹمكانيات الرهيبة المتوفرة عندهم ﻹن الموضوع عايز قاعدة من الناشئين و ده بياخد وقت كبير