مصر موتورز مجتمع السيارات - يا جماعه محتاج مساعده

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - يا جماعه محتاج مساعده (https://www.masrmotors.com/vb/showthread.php?t=39595)

رد: يا جماعه محتاج مساعده

اقتباس:

المشاركة الأصلية كتبت بواسطة mohamedmounir (المشاركة 284868)

شكل هشام باشا مش فاضي ... بس اي معلومه هتفيد يا جماعه لأني جديد في عالم البيكس و معرفش اي حاجه و اقل معلومه هتبقي مفيده جداً
بجد اول مره اتابع منتدي و ادخل اشوف مواضيعه .... مجهود كبير جداً بصراحه
ربنا معاكوا انشاء الله

بص يا جميل اولا هشام مواعيد ردوده بتبقي من بعد الفجر تقريبا عشان شغله
اما بالنسبه لسؤالك طبعا تقدر تسافر بيه مسافات طويله بس تبقي متمم علي المكنه والمياه وكمان الخوزه مهمه في السفر انا بالنسبه ليه الخوزه تعتبر كماليات لان همه 7 كيلو رايح وجاي

رد: يا جماعه محتاج مساعده

اقتباس:

المشاركة الأصلية كتبت بواسطة Injection (المشاركة 284670)

المشوار للعاشر مش طويل, ده فى ناس بتسافر أسكندرية بالريس وترجع, وبتطلع كروزات تلف مصر كلها.

الريس لو حالته كويسة مش هيتعبك, ولو أنت اعتنيت بيه هيشيلك ويريحك.

ال 250 صغير أوى فى عالم الريس وأمكانياته مش قد كده, أخره مثلا 170 كم :), أى بايكر هيقولك أستنى شوية وهات 400 عادة أحسن, لكن ال 250 طبعا كويس فى الميزانية وأستهلاكه فى البنزين قليل, ومتهيألى ينفع حضرتك فى السفريات اللى زى دى, وزى اى هوندا قطع غياره متوافرة ورخيصة وتصليحه سهل.

البايك لازم تكشف عليه كويس طبعا, فى موضوع فى القسم أسمه "كيف تفحص بايك مستعمل" هيفيد حضرتك, وبالنسبة للفحص العملى و البايكس المعروضة للبيع أستنى هشام باشا (jackbox) هو هيفيد حضرتك أكثر منى.

البايكس الجديدة هتدمر الميزانية تمام, بتمن البايك الجديد تجيب عربية جديدة :)

الله يخليك ياعمور والله ينور علي المعلومه
وانتا قولت الحاجه المناسبه بجد

رد: يا جماعه محتاج مساعده

اقتباس:

المشاركة الأصلية كتبت بواسطة nktis (المشاركة 284828)

انا مش هتكلم يا عم هشام وتقولي انت بتعملي بحث.
هههههههههه اديك شايف الاعضاء هم اللي بيدوروا عليك

ياعم نوح انا تحت امرك وتحت امر الناس المحترمه دي كلها
هههههههههههههههههه عسل ياكبير وكل سنه وانتا طيب

رد: يا جماعه محتاج مساعده

اقتباس:

المشاركة الأصلية كتبت بواسطة mohamedmounir (المشاركة 284628)

السلام عليكم
دلوقتي انا فكرت اجيب ريس عشان انا تحركاتي كتيير و امكانياتي متسمحش اني اجيب عربيه فمحتاج اسئل الناس الفاهمه شوية حاجات

1- الريس ينفع في مشاوير طويله (تقريباً سفر "من القاهره للعاشر من رمضان المسافه تقريباً 55 Km ) يعني مش هيتبهدل و الاقي اني محتاج كل فتره اعمله صيانه

2- في ناس قلتلي ان ال cbr 250 مناسب علي اساس ان المستعمل منه ممكن الاقي في حدود 10000 و دي فعلا امكانياتي بس للأسف انا مفهمش فيهم فأكيد مش هقدر انزل اشتريه بنفسي + لو جديد انا سمعت برضه ان اقل حاجه بتنزل جديد دلوقتي 600

يا ريت حد يكون عنده خلفية كويسه عن الموضوع و يقدر يفدني

بص ياجميل في هوندا 250 CBR موديل 2011 ودي المفاجاه اللي هتبهدل السوق قريب
شركه هوندا نزلت اصدار جديد جدا ومعدله بالكامل
لسه السعر مفيش اخبار عنه لكن اول خبر يوصل للمستوردين هعرف وهقولكم
ولو عايز حاجه تانيه حاول تهز ال 10 دول 2000 كمان

رد: يا جماعه محتاج مساعده

ربنا يسهل يا معلم و الله علي قد ما اقدر مش هستخسر بس المهم مجبش حاجه تتعبني بعد كده و تطلع عيني .... و بالنسبه cbr 250 2011 تفتكر يعملوه كام .... و يا تري اصلا هيبقي متوفر هنا ولا هيبقي صعب ؟؟؟؟