رد: محتار بين 131-132-ريجاتا-بولونيز--504-305- 929 ارجو الافاده
 

ما تبص على ال 323 موديل 1982 عربية جميلة و فى نفس اطار السعر

رد: محتار بين 131-132-ريجاتا-بولونيز--504-305- 929 ارجو الافاده
 

استاذ حازم بصراحه مش عارف اشكر سيادتك ازاي علي ذوقك واهتمامك بالموضوع انا حاولت ابعتلك رساله خاصه بس صندوق الوارد عندك مليان
في ناس قالت اني ممكن ال 504 احلال تعمل 20 وتصرف من 3-4 وتبقي عروسه هل الكلام ده صحيح
ثانيا بعيد عن اقتراحاتي انت رايك الشخصي ايه احسن اقتراح حتي لو السعر زاد 3-4 "رايك مهم جدا وسوف يعمل به مباشره"
بالنسبه للمصاريف اللي انا عاوز اعرفها فهيا بوجه عام يعني عمرة كامله في رينج كام
سمكرة العربيه كلها ودهان جديد من الصاج وتغير كامل للصالون
كل ده بوجه عام بغض النظر عن حاله العربيه
ومره تانيه الف شكر لذوقك واهتمامك
وهل ينفع اكلمك علي الموبيل انا معايه الرقم من احد مشاركاتك بس احب استئذن الاول

رد: محتار بين 131-132-ريجاتا-بولونيز--504-305- 929 ارجو الافاده
 

مشكور علي الرد بس انا كاتب في اول مشاركه ان في ناس قاولوا ان مفيش ليها قطع غيار وخوفوني منها من غير ما يشرحوا هما بيخوفوني منها ليه علما انها مع واحد صحبي وبيشكر فيها
نشوف راي الاخوة الافاضل

رد: محتار بين 131-132-ريجاتا-بولونيز--504-305- 929 ارجو الافاده
 

اهلا و سهلا بحضرتك و تتصل في اي وقت احنا نتشرف.
سيبك من عربيات الاحلال دي مش حتركب عربيه كويسه
يعني عربيات الاحلال بقالها 30 سنه شقيانه تاكسي
حتاخدها تصرف عليها اللي وراك و اللي قدامك و برضه في الاخر مش حتتعدل.
احسن حل تجيب عربيه بيتي و سيبك من اللي يقولك نجيب العربيه و نصلحها
شراء العبد و لا تربيته

رد: محتار بين 131-132-ريجاتا-بولونيز--504-305- 929 ارجو الافاده
 

السلام عليكم ورحمة الله
لا كلام بعد كلام الاخ " hazem_khidr " سيبك من الاحل والناس اللى بتؤلك المازدا قطع غيارها مش موجودة
لو هاتعمل استقراء انا هاشارك
المازدا 323 من وجهه نظرى وتجربتها مدة كافية من افضل افضل السيارات المستعملة ومميزاتها
ناعمة جدا زى العربيات الزيرو
يابانى اصلى
1300 سي سي موفرة بشكل غير عادى للبنزين ولو قلت انها كانت بتعمل معايا 250 كيلو فى الصفيحة على الطرق السريعة
قطع غيارها معمرة واغلى من الفيات بحاجات بسيطة
شكل مناسب
عربية واسعة جدا من الداخل ( اربع اوض وصالة)
بيبان فيها الترويق
والله العربية دى شافت معايا ايام من اجمل العربيات اللى ركبتها
كنت بسافر بيها لمدة 3 شهور يوميا من الشروق لغاية سينا رايح جاى كل يوم عومرها ما كسفتنى بس انا الصراحة كنت مخليها عروسة ......كنت امشي بيها فى الشارع كتير يقولوى بتبيع
معلش انا طولت شوية بس دة عشان انقلك احساسي بالعربية دى
ولو سمحتلى ادلك على بعض اسعار قطع الغيار
جبت جوز فوانيس امامى بـ 160 جنية
دسك واسطوانة بتوع الاكسل مش فاكر سعرهم بس عادى بتاعة الاكسل العادى جدا
عملت عامرة كاملة كاملة شامل كل المصاريف بـ 2200 جنية