رد: محتاج اجابة عن الجيتز
 

10 لتر / 100 كم كتير الا اذا كنتي بتعلي الار اب اي على طول او قافله الاوفر درايف
الماتريكس نفس موتور و فتيس الجيتس واتقل منها .. و الاستهلاك اقل من كده
لكن لو بتعملي كيك داون كتير المعدل بيزيد و ممكن يبقى اكتر كمان من 10

رد: محتاج اجابة عن الجيتز
 

انا اسف يا جماعه انا ليا سؤال هو مش بخصوص الموضوع اللى بتتكلمو فيه بس انا ماصدقت لقيت حد معاه جيتز و يقدر يفيدنى
الجيتز مفهاش عداد حراره بس فيها لمبه بس اللمبه دى المفروض انها لو نورت يعنى الموتور سخن جدا و لازم اوقف العربيه بس طبعا مينفعش اعتمد على كده بس .
انا عايز اعرف انا اول ما ادور العربيه اعرف ازاى انها سخنت و اقدر امشى و و انا ماشى اعرف ازاى اذا كانت العربيه بتسخن بسرعه ولا بمعدل طبيعى . انا مش لازم استنى اللمبه لما تنور يعنى ...ارجوكو يا جماعه فيدونى فى الموضوع ده لأن كله بيفتى و هنا فى ناس معاهم جيتز يعنى اكيد هتفيدونى اكتر (اااااسف انى طولت)

رد: محتاج اجابة عن الجيتز
 

على فكرة انا قلت قبل كده ان استهلاك الجيتز
المانيول 6.3 لتر لكل 100ك
الاوتوماتيك 7.3
وهذا المعدل فى الظروف الطبيعيه على الطرق السريعه
بالنسبه لموتور الجيتز فهو ليس موتور ماتريكس
الجيتس 105HP
الماتريكس 104HP

رد: محتاج اجابة عن الجيتز
 

انا زيك الموضوع ده كان مدايقني جدا بس انا سألت مهندس في التوكيل و قال لي ان النور ده مش هينور الا لو المتور سخن فعلا و لازم توقفي تزودي ميه او تشوفي المشكله فين، غير كده النور مش ينهور و مفيش أي مشكله علي العربيه .

انت انسي الموضوع تماما طول ما انت بتعمل صيانه و العربيه فيها ميه ديما مش هيحصل حاجه انشاء لله .

رد: محتاج اجابة عن الجيتز
 

العربيات الجديده دلوقتي مش بتتسخن زي زمان .. حضرتك بتدور العربيه وتسخنها دقيقه واحده بس و تبتدي تتحرك بيها براحه حتى لو الموتور صوته عالي و العربيه لسه بارده
ودي تعليمات المصنع وقريتها في كتالوج الماتريكس واعتقد حتلاقيها برضو في الكتالوج عندك
مؤشر الحراره بيبقى دايما ثابت في النص في مختلف ظروف التشغيل ... و معنى انه يتحرك ان في مشكله
وده سبب انهم لغوه وخلو مكانه لمبه ... لو نورت تعرف ان في مشكله ... وطالما مش منوره تبقى متطمن .. ويا رب عمرها ما تنور
وعلى الله مكونش بفتي :)

العبره مش بقوه الموتور ... ده ممكن يتغير من عربيه للتانيه
الماتريكس نفسها من 2002 ممكن تلاقي كتالوج يقولك 103 حصان او 105 حصان
حضرتك بص على مواصفه الموتور في الكتالوج عندك
حتلاقيه 1.6 dohc الفا 2
الموتور ده موجود في الجيتس و الماتريكس والفيرنا و الالنترا 2006
طبيعي الشركه تستخدم نفس الموتور لموديلاتها المختلفه... مش معقوله تعمل لكل 1600 سي سي عربيه موتور مختلف !!
يعني حتلاقي الكيا كارينز و السيراتو و السول نفس الموتور برضو
دي حتى فيراري و الفا روميو و مازيراتي بيستخدمو نفس الموتور :)