رد: قررت اشتري سياره
 

أنا هاقولك على حاجة التويوتا عامة ابعد عنها الفترة دى عشان المشاكل اللى فيها اليومين دول...أنا عندى أفانزا 2009 هى بصراحة أحسن عربية تويوتا نزلت فى الأونة الاخيرة تقفيلها مفهوش عيوب زى الكورولا والياريس انا كنت مرة بعمل صيانة لقيت واحد لسة شارى العربية الكورولا 2011وفى عيب خطير فى الشاسيه وعمل خناقة كبيرة وواحد كان معاه واحدة 2010 دواسة البنزين بتاعتها مش بترد بسرعة وده خطر جدااااا وأنا شفتها بنفسى لازم يحط رجله من ورا ويرجعها!!! فأنا بأنصحك تبعد عن التويوتا اليومين دول لآن فيها عيوووب خطيرة جداااا وكمان صاج الكورولا مش أد كدة ورق زى السيراتو شكل بس لكن أى خبطة عليك العوض أنصحك بالكروز عربية جامدة ومن منصور شيفروليه ثقة كبييييييرة ده غير ان الكروز واخدة 5 نجوم فى اختبارات التصادم الأوروبية وصاجها قوى عن الكورولا وشكلها أشيك بمرااااحل ومحركها قووووى...ولك الأختيار

رد: قررت اشتري سياره
 

مشكور يا باشا علي ردك الجميل بس انا سامع ان الكروز التوكيل بتاعها مش كويس وكمان فيها عيوب زي الموتور بيبطل لوحده وهي ماشه وعدم توفر قطع الغيار في التوكيل وان الموتور بتاعها ضعيف بالنسبه لوزنها لانها تعتبر اثقل من السيراتو و كمان موتور السيراتو اقوي منها بس الفرق في الاسعار لصالح السيراتو لكن شكلها تحفه قمه ي الشياكه @@@@ ياجماعه لو حد عنده معلومه او تجربه مع الكروز ممكن يتفضل ويعرفنا بيها بدون تحيز

رد: قررت اشتري سياره
 

يا شباب انا فعلا محتار مش قادر اقرر لان الاربع سيارات اجمل من بعض بس اختلاف الاسعار مع احترامى لراي حضراتكم الكورولا سياره محترمه بس الثقه مهزوزه بسب مشاكلها والانسر الشارك قبيحه موديل 2009 اجمل والسيراتو منتشره جدا وارخصهم سعر وده يطمن شويه و الكروز سامع بس مش متاكد انها بتبطل وهي ماشيه و التوكيل مش كويس وكمان موضوع ان التابلوه بتاعها فيه اجزاء قماش افيدونى افادكم الله بس محتاج مقارنه عادله بيتهم بدون تحيز
اللهم ارحمنا برحمتك الواسعة

رد: قررت اشتري سياره
 

بص هو السيراتو كويسة بس عيبها صاجها هى عاجبانى جداااا وأنا ركبت مرة سيراتو كوبيه بتاع واحد صحبى تهووووس بس صاجها مش أد كدة اقل خبطة هتاثر ...وبالنسبة للكروز أنا مسمعتش عن المشاكل دى قبل كدة خالص ممكن حظوظ لكن من المعروف عن سيارات شيفروليه قوتها والمتانة أما لو انك عايز الشكل ومش بيهمك الصاج والكلام ده فالسيراتو لا مثيل لها

رد: قررت اشتري سياره
 

شكر ا علي رايكم الجميل