مصر موتورز مجتمع السيارات - صوت طقطقه في شنطه الفيرنا والجزء الي ورا

اقتباس:

المشاركة الأصلية كتبت بواسطة zoro m (المشاركة 267817)

انا معايا فيرنا مع اي مطب ولو خفيف بسمع صوت طقطقه في الشنطه او في الجزء الي ورا كلو ولما بنزل اشيك ع الاستبن بلاقي كل حاجه في مكانها مع العلم ان انا مجنطها ........

السلام عليكم
المعطيات (مجنط + طقطقه عند أي مطب صغير)

1) الجنط أكبر من الفبريكه , لازم تركب رينج حلقه ليه
الجنط الأوريجينال بيركب من غير أي بوش (تهويه)
لازم تركب رينجات علشان تمتص البوش البسيط ألي بيحسسك بكل كبيره وصغيره علي الطريق حتى لو زلطه صغيره وبالطبع الحركه بتسمع فى العفشه وتتعبها مع الوقت
ولا أنصح بالحديد (الرينج الحديد أشتغاله) هو بيكون ماده من الألياف وليس بلاستيك
ولازم تشتري المقاس بالظبط (بيتقاس بالملى)
2) الصوت ألي عندك وره ليه مليون أحتمال بس الحل أن العفشجي يحل ويعاين وأنت معاه لحظه بلحظه ليه
الصوت ممكن يكون فى عمود الميزان (ده عمود من اليمين الي الشمال) بيكون متسبت بجلب (لازم تحل علشان تتأكد) لو صنيعى ألك أنه عارف العيب منين من غير ما يحل أعرف أنه بيفتى
ممكن الصوت يكون من ياي المساعد بيعض فى البطاحا (الجلبه الداير نشفت وقطعت)

ألي كتبتهولك ده من خبره 7 سنين فيرنا مع سفر يومي
العيب حيكون فى جلبه أن شاء الله ب 5 جنيه
بس الصح انك تحل العفشه (مش حوار دى سهله جدا أنا بحلها عندي بسهوله من غير عفشجي) وبعدين تشيك على كل جلبه العفشجى بيفكها (وأنسا العفشه سنه على الأقل أن شاء الله)
لا يمكن الحكم على جلبه الا اذا حلتها
ولازم تركب رينج علشان الضرضره تروح