مصر موتورز مجتمع السيارات - الشكمانات الرياضيه ومكنة الباك فير

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - الشكمانات الرياضيه ومكنة الباك فير (https://www.masrmotors.com/vb/showthread.php?t=37310)

رد: الشكمانات الرياضيه ومكنة الباك فير

دة الباك فير اللى فى فيلم عبود على الحدود ولا حاجة تانية؟!

رد: الشكمانات الرياضيه ومكنة الباك فير

الباك فاير ده ياباشا هى أن نار تخرج من الشكمان, سواء بسبب أن الخليط اللى داخل السلندر بنزينه كتير فخرج الى الشكمان وأشتعل فيه, أو لأن العربية تربو ومتعدلة علشان لما تشيل رجلك من على البنزين يحصل أنفجار فى الشكمان قبل التربو علشان متفقدش الضغط بتاعه( the fast and the furious أستخدمها بغباء على مدار السلسلة)وأسمها anti lag, أو بتوصيلة كهربائية بسيطة وخليط لين, أو بال Kit اللى بتتباع أو حتى بالنيتروس.

دى النتيجة بتاعة التعديل:-

http://www.youtube.com/watch?v=fIrSF...eature=related

رد: الشكمانات الرياضيه ومكنة الباك فير

طيب اية فيدتة وبيعملوة لية من فضلك يا انجكشن بك؟

رد: الشكمانات الرياضيه ومكنة الباك فير

هو ياباشا بيتعمل أساسا علشان الشكل, لما تبقى واقف بالعربية وتشغل النظام من جوه طبعا المنظر من بره خطير, زى اللى بيركب أبواب لامبورجينى.

لكن مش فايدة الموضوع المنظرة بس, فى العربيات التربو لو حضرتك تعرف ال lag اللى هو التربو على 4000 لفة مثلا بيطلع 1بار ضغط, أنت هتنقل للرابع مثلا أو لأى سبب هتشيل رجلك من على دواسة البنزين, بالتالى الضغط اللى بيطلعه التربو بيقل علشان العادم قل وبتضطر تستنى فترة زمنية على مايرجع للضغط ده تانى, فبيركب جهاز أسمه anti lag كل وظيفته يعمل أنفجار فى الشكمان علشان تخلى مروحة التربو تفضل شغالة ومتفقدش الضغط بتاعه لما تشيل رجلك من على البنزين, وبالتالى بتستفيد من التربو جامد جدا.

والنيتروس اللى بيتركب علشان يزود الأداء, الباك فاير يعتبر أحدى أثاره الجانبية.

والعربيات اللى مش مظبوطة لسبب أو لأخر والخليط بتاعها فيه بنزين كتير بتعمل حاجة زى دى, بيسموها بتضرب مدافع, زى العربيات الكاربراتير القديمة.

فيديو أخر للكيت.

http://www.youtube.com/watch?v=kkPeJ...eature=related

وده فيديو لل anti lag بتاع التربو, مالوش حل.

http://www.youtube.com/watch?v=jCCitX0q59k

رد: الشكمانات الرياضيه ومكنة الباك فير

منكم نستفيد يا انجكشن بك ... جزاك الله خيرا على المعلومة.