مصر موتورز مجتمع السيارات - طلب مهم ان امكن ... تظبيط اسكودا فليشيا موديل 97

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - طلب مهم ان امكن ... تظبيط اسكودا فليشيا موديل 97 (https://www.masrmotors.com/vb/showthread.php?t=36991)

رد: طلب مهم ان امكن ... تظبيط اسكودا فليشيا موديل 97

اقتباس:

المشاركة الأصلية كتبت بواسطة tareksakr (المشاركة 261876)

[
1) صوت طقطقه جامد مع الدوران الحاد جه اليسار . ( قالولي كوبلن شمال )
فعلا ده كوبلن ومحتاج يتغير (120-220) حسب النوع
) دربكه بسيطه مع المدقات والطرق الوعرة .( قالولي تربيط العفشه ) لدركسيون فيه حبه بوش خفيفه ( هل لازم اغير الاسكاترا , ولا استنه شويه )ده ممكن يكون جلب المقصات و علبة الدركسيون فيها بوش ولازم تتغير وده بتاع العفشة هو اللي يقرر ايه اللي محتاج تغيير
احيانا واثناء السير البطيئ - بسبب الزحام مثلا - العربيه بتبطل مني .ممكن يكون بسبب حساسية رجلك علي الدبرياج أو العربية واطية أو الكربراتير محتاج تنضيف
العربيه ما بتدرش من اول مرة , لازم 3-4 مرات علشان تدور بعد ركنها لساعات. قبل ماتدور الصبح دو س بنزين مرتين تلاتنه هتدور معاك بسرعة وشكلها العربية محتاجة طقم بوجيهات وفلاتر هوا وبنزين بستخدم زيت موبيل 1 , ومؤشر الزيت بيقل بسرعه قبل حتي ماوصل ل 1000 كيلو , ولما بزود بزيت معفن مجهول المصدر بفضل مؤشر الزيت كويس ومش بينقص , ودي اهم مشكله بالنسبه لي
موبيل 1 مش منايب للعربيات القديمة حط زيت فيسكو 2000 هيبقي كويس جدا علي العربية وغيره كل 5000 كم
العربيه محتاجه سمكرة ورش خارجي , لانها متجرحه ومحكوكه كتير بسبب علامي عليها في البدايه ( التكلفه كام )
ده حسب درجة ضرر العربية حكات بسيطة واللا خبطات كبيرة وكتير
لو حاجات بسيطة ممكمن تبقي حوالي 500 ل 600 جنيه شمكرة
والدوكو من 1000 ل 1200 جنيه

ا/ طارق

انا متشكر جدا جدا علي زوقك العالي وعلي تعبك وتوضيحك الجميل
ربنا يباركلنا في سعادتك

طلب مهم ان امكن ... تظبيط اسكودا فليشيا موديل 97

الاخوة المحترمين ... تحيه رقيقه

معي عربيه اسكودا فليشيا 97 ( فاضيه , ماعدا سنتر ) فابريكه دواخل سعرها 30000 ( هل هو سعر مناسب ؟؟ ), معي من حوالي 5 شهور ولم اجري لها اي صيانه .

- خبرتي في العربيات ضعيفه , ولكن هناك بعض المشكلات الاحظها هذه الايام:

1) صوت طقطقه جامد مع الدوران الحاد جه اليسار . ( قالولي كوبلن شمال )

2) دربكه بسيطه مع المدقات والطرق الوعرة .( قالولي تربيط العفشه )

3)احيانا واثناء السير البطيئ - بسبب الزحام مثلا - العربيه بتبطل مني . ( قالولي دا بيرجع لدرجه احساسك بالدبرياج )
4) العربيه ما بتدرش من اول مرة , لازم 3-4 مرات علشان تدور بعد ركنها لساعات.

5)العربيه بتسخن لابسط الاسباب , المؤشر بيكون بين (70 - 90 ).

6) الدركسيون فيه حبه بوش خفيفه ( هل لازم اغير الاسكاترا , ولا استنه شويه )

7) بستخدم زيت موبيل 1 , ومؤشر الزيت بيقل بسرعه قبل حتي ماوصل ل 1000 كيلو , ولما بزود بزيت معفن مجهول المصدر بفضل مؤشر الزيت كويس ومش بينقص , ودي اهم مشكله بالنسبه لي
, لان ناس قالت لازم عمرة موتور , وناس قالت نوع الزيت , وناس قالت النقص الي هذا الحد في مؤشر الزيت ميخوفش ومالوش لازمه . ( الصح ايه )

8) العربيه محتاجه سمكرة ورش خارجي , لانها متجرحه ومحكوكه كتير بسبب علامي عليها في البدايه ( التكلفه كام )

برجاء الافادة بالتفصيل ان امكن عن كل نقطه مذكورة , وان لزم صيانه شيئ ارجو توضيح سعر قطع الغيار المطلوبه والتكلفه والمصنعيه
اسف علي الاطاله , واسف علي الطلبات المرهقه ... بس عاوز اكون فاهم وعندي فكرة علشان ما انخدعش من الاسطوات وانا بتعامل معاهم ... وشكرا جزيلا

اسف لتكرار المشاركه .. بس يمكن دا مكان المشاركه الصح

رد: طلب مهم ان امكن ... تظبيط اسكودا فليشيا موديل 97

اقتباس:

معي عربيه اسكودا فليشيا 97 ( فاضيه , ماعدا سنتر ) فابريكه دواخل سعرها 30000 ( هل هو سعر مناسب ؟؟ )

على بركة الله

وطالما أشتريت وركبتها يبقى الخيره فيما أختاره الله

اقتباس:

1) صوت طقطقه جامد مع الدوران الحاد جه اليسار . ( قالولي كوبلن شمال )

ده تشخيص سليم

اقتباس:

2) دربكه بسيطه مع المدقات والطرق الوعرة .( قالولي تربيط العفشه )

وممكن تكون محتاج مقصات أو تغيير جلب مقصات أو تغيير بيض مقصات

ويفضل معاينة الوضع من خلال عفشجى أمين

اقتباس:

3)احيانا واثناء السير البطيئ - بسبب الزحام مثلا - العربيه بتبطل مني . ( قالولي دا بيرجع لدرجه احساسك بالدبرياج )

ممكن يكون ده كلام سليم وبالذات لو كنت بتستعمل دبرياج وبنزين مع المشى البطىء (الزحف بالسياره يعنى )

وممكن يكون الكربوراتير محتاج شوية نظافه وكشف على نظافة بيك السلانسيه

وأنا شايف أنك تعمل صيانه للكربوراتير لأبعاد دوره عن تلك المشكله التى قد يكون سببا فيها

اقتباس:

4) العربيه ما بتدرش من اول مرة , لازم 3-4 مرات علشان تدور بعد ركنها لساعات.

اقتباس:

5)العربيه بتسخن لابسط الاسباب , المؤشر بيكون بين (70 - 90 ).

أعتقد طالما الحراره مبتزيدش عن 90 فلاتوجد مشكلة حراره

وممكن مع تغيير الميه وعمل نظافه للردياتير تأخذ وضع حراره أفضل من كده

اقتباس:

6) الدركسيون فيه حبه بوش خفيفه ( هل لازم اغير الاسكاترا , ولا استنه شويه )

ممكن تغير شحم الأسكترا بآخر جديد

اقتباس:

7) بستخدم زيت موبيل 1 , ومؤشر الزيت بيقل بسرعه قبل حتي ماوصل ل 1000 كيلو , ولما بزود بزيت معفن مجهول المصدر بفضل مؤشر الزيت كويس ومش بينقص , ودي اهم مشكله بالنسبه لي
, لان ناس قالت لازم عمرة موتور , وناس قالت نوع الزيت , وناس قالت النقص الي هذا الحد في مؤشر الزيت ميخوفش ومالوش لازمه . ( الصح ايه )

بلاش تستعمل زيت تخليقى وحول للزيت المعدنى

زى فيسكو 2000 أو موبيل xhp أو شيل الأصفر ( المهم معدنى حيكون أنسب لحالة المحرك حاليا )

اقتباس:

8) العربيه محتاجه سمكرة ورش خارجي , لانها متجرحه ومحكوكه كتير بسبب علامي عليها في البدايه ( التكلفه كام )

خلص الجوهر الداخلى أولا من أعمال صيانه ميكانيكيه وعفشه

وبعد كده نخش على المظهر الخارجى

رد: طلب مهم ان امكن ... تظبيط اسكودا فليشيا موديل 97

ا/ سمير
خالص تحياتي لتعاونك ... الف الف مليون شكر لسيادتك

رد: طلب مهم ان امكن ... تظبيط اسكودا فليشيا موديل 97

ربنا يوفقك لما فيه الخير

إن شاء الله