|
رد: ايه أكتر عربية تمنها قليل عليها؟
العربية a 113 فيها امكانيات كتيرة اوي وسعرها 49 الف انا شايف انو قليل عليها بس عموما في مصر العربيات بتتباع بضعف تمنها تقريبا بحجة وجود جمارك علي السيارات حتي العربيات التقفيل المحلي بردوا غالية يعني الشيفورلية كابتيفا 286 الف ج وتقفيل مصري دا ينفع معتقدش
|
رد: ايه أكتر عربية تمنها قليل عليها؟
كل السيارات فى مصر أسعارها مبالغ فيها جدا سواء جديد أو مستعمل
لكن رضوخا للواقع الأليم السيارات الأوروبية إعادة بيعها فى المستعمل تخسر كثيرا ومنها رينو وأوبل وأودى وستيروين ومن اليابانى سوبارو |
رد: ايه أكتر عربية تمنها قليل عليها؟
بصراحه كل العربيات مبالغ فيها ماعدا الاسبرانزا وخصوصا m11 رخيصه وجداااااااااااا علي امكانياتها وتقبل تحياتي |
رد: ايه أكتر عربية تمنها قليل عليها؟
في مصر ما فيش عربية تمنها قليل عليها خالص تعالي شوف اسعار العربيات هنا في الامارات عامل ازاي باجيروا 2008 ماشية 40 الف كيلو واحد صحبي لسة مخلصها علي 35 الف درهم , اكورد رقم واحد بفتحة سقف موديل 2007 ماشية 60 الف لسة متباعة علي 28 الف درهم . اية بقي في مصر تمنه اقل من قيمته لا يوجد بس لو انت بتتكلم عن العربيات بوجه عام انا شايف ان التويوتا و الهوندا عربيات محترمة و تمنهم فيهم.
|
رد: ايه أكتر عربية تمنها قليل عليها؟
من رأيى العربيات اللى فعلا تستحق تمنها (بالنسبة للسوق المصرى وأسعاره المنيلة) هى الفيات (الموديلات الجديدة), عربية مش واخدة حقها فى السوق, كفاية انها أوروبية, وشكلها ومميزاتها أكثر من رائعة, زى البونتو والبونتو أيفو وال 500, ومش فاهم أزاى عربية زى السيراتو تبقى أغلى من البونتو أيفو .
والسيات كمان تعتبر من العربيات الخطيرة اللى حقها ضايع فى السوق. بس مافيش عربية تمنها قليل عليها, قصاد التمن القليل فى الغالب بتاخد مواصفات أقل ومكونات أردء الا فى عربيات معينة. |
| الساعة الآن 10:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017