رد: رأيكوا في لانسر بطه ؟؟
 

عيوب العربية ...
اي عربية عيوبها بتظهر لما تهملها .. اما العربيه دي لما تظبطها مبتصرفش كتير
بس خد بالك ان ايدك دايما فيها
ونضف دايما الكربتير
غير البوجيهات
ترصيص العجل
كل ده اعمله مع غيار الزيت في اي عربية
هتريحك جدا وضيف علي عربيتك لمستها
العربيات البطة القديمة بيكون فيها عيب الطنابير الخاص بالفرامل
الناس بتهمل ده كتير جدا لكن ممكن لو جبتها لقيت هزة في العربيه علي السرعات
غير علي طول الطنابير وظبط الفرامل كاملة
عيب تاني بسيط اوي
انها متوسطة الارتفاع يعني واطية شوية واوعي تعليها لان ده هيكسر العفشة
بس حاول لما تركب حد ورا متجريش علي المطبات عشان متجبش اجلها من تحت
تحياتي