مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - النور الواطى (https://www.masrmotors.com/vb/showthread.php?t=35675)

رد: النور الواطى

اقتباس:

المشاركة الأصلية كتبت بواسطة tham1010 (المشاركة 251743)

أولا أنا متشكر ليكم على سرعة الرد. بس الواحد إحساسة بالخم وقلة الحيلة بيبقى وحش. أقول لكم الصراحة أنا أصلا خايف أمشى بالعربية لان مش عليها نمر لسة. وخايف أكتر من صنيعية شبين الكوم اللى كلهم صنيعية حلوين فى العربيات القديمة ولكن العربيات الحديثة دى مش شفت ولا واحد بيصلح عربية نضيفة زى دى. يا بختكم يا أهل القاهرة. عندك الصنيعية الكويسة اللى تفهم فى العربيات الحديثة وعندكم التوكيل كمان.

متشكر يا كريم على حكاية إن اللمبة بجنية. الرقم ده يطمن. المهم بس ألقى هنا لمبة مناسبة. والكهربائية يعرفوا يفكوا الفانوس ويرجعوة مكانة بدون مشاكل.

لو ملقتش اولى وانا اجبلك لمبه او عندى فكره حلو انت اخطف نفسك كده لحد عندنا جبلك لمبه وارجع تانى واهو منها تمشى العربيه شويه ولو حد وقفك فى السكه اوله رايح لكريم بس وملكش دعوه 444546

رد: النور الواطى

المهم بس أتعلم السواقة الأول.... لسة مش بعرف أحرك العربية. رجلى بتبقى ثقيلة على البنزين. بلاقى عداد rmp وصلى 2000 وأنا يديوبك ملمس رجلى بشويش. طبعا لو واخد الأول بالفتيس هلزق فى اللى قدامى. الواحد فى الماتركس دى بيحس إنه صغير وسايق عربية نقل واسعة علية. الظاهر الواحد كا مفروض يجيب توك توك أحسن (ها ها)

الواحد لازم تكون عنية فى وسط راسة. يوم الجمعة فى الصباح الباكر هيكون أول مرة أحركها كام متر لقدام ولورة ويمكن أتهور وألف بيها حولين البيت ( حوالى 30 متر كدة).....

رد: النور الواطى

اقتباس:

المشاركة الأصلية كتبت بواسطة tham1010 (المشاركة 251743)

متشكر يا كريم على حكاية إن اللمبة بجنية. الرقم ده يطمن. المهم بس ألقى هنا لمبة مناسبة. والكهربائية يعرفوا يفكوا الفانوس ويرجعوة مكانة بدون مشاكل.

الموضوع ابسط مما تتخيل و بيحصل لكل العربيات زى ما طمنوك
حبيت بس اوضح انه مش محتاج فك الفانوس اللمض فى كل العربيات بيبقى ليها فك من ورا الفانوس علشان الفانوس ميتفكش على حاجة سهلة زى دى

رد: النور الواطى

زى ما بشمهندس احمد قالك الموضوع بتاع تركيب اللمبه سهل جدا...وغالبا عندك لازم تغير اللمبه اللى فى الفانوس الشمال لان تقريبا النور الواطى فيها اتحرق ودى بتحصل كتير وما فيش منها اى خوف

رد: النور الواطى

ههههههههههههههههههههه

ده انتا ملكش حل .. بتقلق من حاجات بسيطة جدا ..

اللمبة دى انتا سهل اوى تغيرها بنفسك وتمنها رخيص وهات لمبة المانى ب3 جنية علشان تعيش معاك ..

ومتخفش اوى كده يا باشا دى حاجات هااااااااااايفة اووووووووى ..

امال - لا قدر الله - لو هتعمل عمرة مثلا كنت هتعمل ايه .. ههههههههههه

تحياتى يا برنس ...