مصر موتورز مجتمع السيارات - عايز اعمل فاميه بأى طريقة

اقتباس:

المشاركة الأصلية كتبت بواسطة Injection (المشاركة 249465)

فيه نوعين من الستائر:-

الأول ستائر كبس, ودى بتركب على العربية من جوه مش على الزجاج, فبتبقى على مقاس العربية بالظبط, وبتفضل مكانها سواء الزجاج أتفتح أو متفتحش, لأنها راكبة فى العربية من جوه ومالهاش دعوه بالزجاج, يعنى حتى لو الزجاج نازل بتفضل مشدودة على "الشباك"

التانى ستارة متحركة بتركب على الزجاج نفسه, وشكلها عامل زى المروحة اللى كنا بنعملها بالورق زمان, مدرجة يعنى علشان تتركب على الزجاج وتنزل وتطلع معاه.

الستارة الأولى عيبها أنها مبتستحملش كتير لو بتمشى بالعربية كتير وأنت فاتح الزجاج وخاصة على طرق السفر, ولو حتة منها أتقطعت حتى لو خيط منظرها بيبقى وحش, لكن هى عامة كشكل أحسن من الستارة المتحركة, وغالبا بتتباع تلات قطع أثنين للزجاج الخلفى الجانبى وواحدة للزجاج الخلفى أو4 قطع للزجاج الجانبى كله وواحدة للزجاج الخلفى.

التانية عيبها أنها مش هتبقى مغطية الزجاج كله, وشكلها أوحش من الكبس لكن فى المقابل بتقدر تفتح الزجاج وتقفله براحتك وهى بتتحرك معاه وعلى ما أذكر بتتباع بالجوز.

ستارة كبس
https://www.saturnparts.com/images/w...de93199088.jpg
http://photos.autoexpress.co.uk/imag...o_307082_7.jpg

لاحظ أزاى الزجاج مفتوح وهى موجودة
http://www.autosnewspaper.com/wp-con...reviews-11.jpg

ستارة متحركة

http://hosting.dinodirect.com/hostin...e-1-Gallay.jpg
http://hosting.dinodirect.com/hostin...e-3-origin.jpg

وفى الأخر لازم تعرفوا أن دى "بتحجب الرؤية" زيها زى الفاميه, لأن الفاميه مش ممنوع, القانون بيقول أن الأشياء اللى بتحجب الرؤية لداخل العربية هى اللى ممنوعة, بس معظم الظباط ميعرفوش القانون أصلا :), وبيتلككوا على الفاميه والزجاج الملون بس عادى ممكن أى ظابط يتلكك على الستائر بمزاجه, زى مالسبحة والحاجات المتعلقة فى المراية أو مجطوطة على التابلوه ممكن ياخدك مخالفة علشانها, ده غير أن الستائر وأنت داخل على لجنة تقدر تشيلها بسرعة ومش هيقولك حاجة.

وأسف على تأخرى فى الرد.

اقتباس:

المشاركة الأصلية كتبت بواسطة Injection (المشاركة 248929)

الستائر موجودة عند سبير كار وأى محل كماليات, وستارة ورا, وستارتين للزجاج الجانبى الخلفى بيعملوا حوالى 80 جنيه و حسب الخامة والمحل ممكن السعر يزيد أو ينقص, وفيه ستاير بتبقى واحدة للزجاج الخلفى وأربعة للباقى, بس دى أغلى ونادرة شوية.

وبتبقى مخصوصة لكل نوع من العربيات, علشان الأختلاف فى حجم زجاج الموديلات المختلفة.

معلش أعذر كسلى, أنا قلت أقتبس من مشاركة قديمة أحسن من الأعادة.

شوية صور تانية

http://www.kamei.co.uk/gal/sty/KMsunny_03Z.jpg
http://www.nm-motorsport.com/acatalo...n-Blinds-3.jpg
http://photos.autoexpress.co.uk/imag...o_307093_7.jpg

الفاميه أثباته على الرخصة عملية شبه مستحيلة, حتى لو بشهادة طبيب أو أيا كان, الناس فقست الحركات دى وحتى لو ممكن مش هيعدوها من غير فلوس, وأنا فاكر أنى قريت قصة عن شخص راح يثبت الفاميه على الرخصة بواسطة, وطلب منه 3000 جنيه.

الناس المفيمة يا أما وكلاء نيابة, أو فى مناصب رفيعة تسمحلهم بالتفييم علشان الخصوصية والأمن, أو ناس عادية عايزة تحمى نفسها من الشمس ومن عيون الناس, أو الشباب الروش طحن, ودول بخلاف النوع الأول عايشين اللحظة وممكن أى ظابط يرخم عليهم بمخالفة وسحب رخص, أو يكون طيب ويسيبك تشيله قدامه.