مصر موتورز مجتمع السيارات - لانوس 99 - لما أشيل رجلي من علي البنزين أحس بفرملة

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - لانوس 99 - لما أشيل رجلي من علي البنزين أحس بفرملة (https://www.masrmotors.com/vb/showthread.php?t=35446)

رد: لانوس 99 - لما أشيل رجلي من علي البنزين أحس بفرملة

بس مكنتش كده الاول - الايام دي زادت قوي لدرجة تحس انك هتخبط في الزجاج الامامي من شدة الفرملة

رد: لانوس 99 - لما أشيل رجلي من علي البنزين أحس بفرملة

طالما الخبطة قوية يبقى تروح لميكانيكى كويس وتكشف على اسطوانة الدبرياج لان غالبا كده 95% هتحتاج تتغير ..

رد: لانوس 99 - لما أشيل رجلي من علي البنزين أحس بفرملة

أنا مع رأى الأستاذ حسام, طبيعى لما تشيل رجلك من على البنزين والعربية ماشية (من غير الضغط على الدبرياج) أنها تفرمل, وده بيرجع الى أن عدد لفات الموتور نزل مرة واحدة, وعدد لفات العجل ثابت, فأنت كده كأنك بتدور الموتور بالعجل مش العكس, وبما أن عدد لفات الموتور قل وعدد لفات العجل لسه زى ماهو فالعربية بتفرمل جامد علشان الموتور بياخد من سرعة العجل مرة واحدة.

والدليل أنك لما بتشيل رجلك من على البنزين بتلاقى العربية بطئت جامد وعدد لفات الموتور بينزل براحة.

أنا كنت بتمزج من الحركة دى, علشان كان صوت الديفل اللى أنا مركبه معاها بيبقى خطير, بس بطلت أعملها علشان بتضر الموتور لأنك بتحمل عليه مرة واحدة جامد.

وسبب أنها بتبان أكثر على الأول والتانى أن الفرق بين نسب التروس بتاعتهم وترس الموتور كبير, فأى تغيير فى عدد لفات الموتور بيأثر على العجل, أنما فى التروس الأعلى عدد اللفات مبيتأثرش لدرجة أنك ممكن تبقى ماشى على الرابع وتسيب كل حاجة والعربية سرعتها هتنزل براحتها من غير أى تأثير.

رد: لانوس 99 - لما أشيل رجلي من علي البنزين أحس بفرملة

اقتباس:

المشاركة الأصلية كتبت بواسطة freshboy412000 (المشاركة 250561)

بس مكنتش كده الاول - الايام دي زادت قوي لدرجة تحس انك هتخبط في الزجاج الامامي من شدة الفرملة

جرب نضف صمام الايدل و البوابة بس انا مع باقى الاعضاء ان الموضوع طبيعى ده حتى كمان توفر تيل فرامل
اهم حاجة ان العربية متبطلش يعنى لو على الاول مثلا و شلت رجلك من على البنزين المفروض تكتم لوحدها و تبطىء بس متبطلش و بتفضل ماشية مظبوطة بشويش لوحدها من غير متحط رجلك على البنزين و التانى كده برضه

رد: لانوس 99 - لما أشيل رجلي من علي البنزين أحس بفرملة

أقولك على اللي هيريحك خالص
خلي حد غيرك بس يكون بيعرف يسوق كويس وياسلام لو كان سواق تاكسي أو ميكانيكي معرفة
ده اللي هيقولك اذا كان الحوار ده من العربية أو من رجلك إنت
ولو طلع من العربية لا قدر الله يبقى تروح للميكانيكي وتخليه يجرب العربية ويقولك فيها إيه بالظبط