رد: صوت غريب فى ناحية العجله اليسرى اول متبدا العربيه تجرى
 

الف شكر لكل من ساهم بلرد وسوف اذهب الى ميكانيكى ليسمع الصوت معى ونعرف ايه الموضوع بلضبط ---- وربنا يستر --- الف شكر مره اخرى وكل سنه وحضراتكم بخير

رد: صوت غريب فى ناحية العجله اليسرى اول متبدا العربيه تجرى
 

الأخوه الأعزاء -- اشكركم مره اخرى على التواصل --- واود ان انقل ماحدث اليوم -- قبل ان اذهب الى الميكانيكى قلت اجرب واسمع الصوت مره اخرى ووجدته ماذال موجود وفى طريقى للحرفيين ببورقؤاد يوجد طريق فاضى قلت اجرب واعمل مناورات بلدوران يمين وشمال حتى اختبر الكوبلن الشمال بلذات ووجدت ان الزنه مش مسموعه قوى الا فى طريق مستقيم وتذكرت نصيحة الأخ /nic egypt --- بأن اقوم بزق العربيه حتى اسمع الصوت كما انه اذا حدث وكانت العربيه ثقيله فى الزق يبقى العيب يكون هو بليى العجل هذا طبقا لما قاله الأخ الفاضل ----- المهم عملت كما نصحنى كتر خيره زقتها كذا مره الى الأمام والخلف ولم اسمع صوت فقلت اتوكل على الله واروح للميكا نيكى وانا فى طريقى الصوت راح تماما وتعمدت ان اسرع وأخش فى مطبات ولم اسمع صوت والحمدلله ومش عارف هل الحصل حاجه فى كوبلن ولا البليى الخاص بلعجل مش عارف ---- ولكن مرى اخرى احمدالله على --- وهذا ماحدث بلضبط ---- وفى انتظار اصحاب الخبره فى صدد هذا الموضوع --- لأنه بلفعل لم يحدث معى فى اى عربيه سابقا !!!!!!!!! وتحياتى لكم جميعا ........

رد: صوت غريب فى ناحية العجله اليسرى اول متبدا العربيه تجرى
 

متشغلش بالك يأستاذ أيمن العربيه كانت بتهزر معاك شويه وبتوريك غلاوتها

رد: صوت غريب فى ناحية العجله اليسرى اول متبدا العربيه تجرى
 

اشكرك :دكتور. كمال ولكن بلفعل شىء يقلق يعنى اعتقد ان الموضوع لازم وراءه شىء ويجب ان يأخذ مأخذ الجد المهم يعرف السبب كى يبطل العجب لأنه لازم يحدث شىء ولازم تكون هناك صيانه ولازم نكتسب الخبره من اعطال عربياتنا لأنه لازم هيحدث عطل ما !!! ولكن دائما نتضرع الى الله بأن يكون الى جانبنا والأمور تعدى على خير --- الف شكر يادكتور....

رد: صوت غريب فى ناحية العجله اليسرى اول متبدا العربيه تجرى
 

الحمد لله إن الصوت راح والحكاية جت بسيطة
وده بيفكرني بمرة سمعت صوت عالي في العجلة الشمال و كمان كان مصحوب برائحة شياط
وقلقت جداً و مكنتش عارف أعمل إيه وكنت بالليل و على طريق سفر وبعدين قلت أحاول أبص عليها وفي الأخر طلع السبب سلك صغير كان مزنوق ورا العجلة و بيحك في الطنبورة و الكاوتش و الغريب إني سحبته بإيدى طلع على طول يعني حتى مكانش لافف على حاجة

ومرة سمعت صوت خبطة جامدة جداً في العربية مع المطبات و مكنتش قادر أحدد الصوت منين ومكنتش عارف أروح لعفشة ولا سمكري ولا ميكانيكي المهم كان عندي شغلة ميكانيكا و أنا بعملها قلت للميكانيكي على الصوت ده و نزل تحت العربية واكتشف إن في زلطة مزنوقة فوق علبة الشكمان يعني بين الشكمان و بطن العربية و هي اللي بتخبط الخبط ده مع المطبات.

فربنا يكرمك و تكون كانت حاجة زي كده وراحت لوحدها