مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - لحام الراديتير (https://www.masrmotors.com/vb/showthread.php?t=34816)

رد: لحام الراديتير

فى اماكن صعبة او اسنحالة الواحد يملكها علشان يضيف اللحام او الصابون ساعتها بتبقى المادة الى بتضاف لميه الرادياتير حل عملى و نتيجته مضمونه
العبوة بتتباع فى البنزينات الشيك زى shell و on the run او عند بتوع الاكسسوارات و قطع الغيار و فى منها المصرى و دى انا جربته و جاب نتيجة فورية فى خلال دقيقة من تدوير العربية و الى اكتشفته قريبا ان فى امريكانى و ده اكيد ممتاز بس انا كنت استخدمت المصرى

رد: لحام الراديتير

طيب اسم الماده دى ايه لان عندى تسريب بسيط جدا بس لو فتحت غطاء الريداتير بينزل كتير وبيبان اكتر أعتقد بسبب الضغط هل هتنفع معاه ؟

رد: لحام الراديتير

ريح دماغك وجيب واحد استعمال وخلاص

رد: لحام الراديتير

المادة بتاعه لحام الريداتير دى برضو فكرة كويسه ..

وتجيبها من عند اى محل قطع غيار اسمها (بودرة ريداتير) وتمنها تقريبا 5 جنية ..

جربها وهتلحم باذن الله ..

رد: لحام الراديتير

ربنا يمسيكوا بالخير يارجالة, الراديتير كان بيسرب من أسبوع, وبما أنى من الناس اللى بتحب تفتكس فى كل حاجة, رحت أشتريت أنبوبة سليكون حرارى ب7 جنيه وأيبوكسى (لحام الحديد) ب7 برضه.

قعدت فكيت فى الراديتير, وخرجته وفكيت المراوح وكل حاجة, لحمت الخرم وأتضع أن الراديتير مركب جنب والجنب كله بيصدى, قمت عايد على الجنب كله بالسيليكون والأيبوكسى وسبت حتة صغيرة كنت فاكرها متينة.

وفى اليوم التالى لقيت الراديتير بيسرب برضه بس من تحت (كان بيسرب من فوق فى الأول) فذهبت حزينا للراجل بتاع الراديتيرات, خلعه وعمل الحتة اللى أنا معملتهاش بأيبوكسى, وركب الراديتير وحط بودرة أصلاح وخد 20 جنيه.

الدروس المستفادة هى, الخبرة مش ببلاش, الخبرة ب3 ساعات ضاعوا على الفاضى وهدوم خروج أتبهدلت, وأيدين ولا أيد أجدعها سباك.

من الأخر, أدى العيش لخبازه, ممكن حضرتك تروح تلحمه مش هياخد نص ساعة, وهياخد 15 الى 20 جنيه, وخلص الموضوع, وممكن بعد كده حضرتك تغيره لو حصل أى حاجة, بس مش هيحصل :)